Gwamnatin Jigawa Ta Karawa Malaman Makarantu 14,900 Girma A Shekarar 2018 –NUT — Leadership Hausa Newspapers
Connect with us

LABARAI

Gwamnatin Jigawa Ta Karawa Malaman Makarantu 14,900 Girma A Shekarar 2018 –NUT

Published

on


Kungiyar Malaman Nijeriya wato NUT, reshen jihar Jigawa sun bayyana cewa; gwamnatin jihar Jigawa ta karawa Malaman makaranta dubu 14 da 900 karin girma a cikin shekarar 2018.

Shugaban kungiyar, Alhaji Abdulkadir Yunusa, shi ne ya bayyanawa manema labarai a yau Juma’a a garin Hadeija.

Ya ci gaba da cewa; Malaman Firamare da na karamar Sakandare dubu 12,000 ne suka samu karin girma. Yayin da Malaman Sakandare dubu 2 da dari 900 ne suka samu karin girman.

Yunusa ya ci gaba da cewa; har wala yau gwamnatin ta horas da sabbin Malaman Firamare 2,000 sai Malaman Sakandare 750 duk a cikin shekarar 2018.

Ya ci gaba da cewa; Malamai 514 suka yi rijista da hukumar shirya Jarabawar Malamai a cikin shekarar. A karshe, shugaban ya yi kira ga Malaman da su tabbata sun yi rijista da hukumar domin kaucewa hana su gudanar da ayyukansu.

Ya karkare da cewa; “Ko digiri kake da shi ko NCE, rashin yin rijista da hukumar, ba za mu lamunta ba.” Inji shi.

 





Advertisement
Click to comment

labarai