Connect with us

RAHOTANNI

An Rufe Ofishin Gwamnan Nasarawa Saboda COVID-19

Published

on

A ranar Laraba Gwamnan Jihar Nasarawa, Injiniya Abdullahi Sule, ya dakatar da ayyukan ofishin shi sakamakon cutar Korona bairos, ya killace kansa domin rigakafi.

Bayan jawabin da Gwamnan ya yi a ranar Talata inda ya tabbatar wa al’umman Jihar illolin da ke tattare da cutar ta Korona bairos.
Gwamnan ya umurci al’umman jihar da su takaita gudanar da zirga-zirga, da wasu ayyukan da zai kawo cinkoson jama’a.
Gwamnan ya ce; cutar ana daukar ta a jikin wanda yake da ita. Saboda haka jama’a su guji ta’ammali a cinkoso. Kuma duk wanda ya dawo daga tafiya musamman daga kasar da cutar ta yi yawa to ya killace kansa tsawon makwanni biyu.
Ya zuwa yanzu fadar gwamnatin jihar Nasarawa da ke garin Lafia a kulle take, tuni sauran Ma’aikata suka tsere zuwa gida, kuma Babbar kofar shiga ofishin Gwamnan an garkame ta da babban kwado.




Advertisement

labarai

%d bloggers like this: