Daga Abdullahi Muhammad Sheka,
Ana sa ran Gwamnan Jihar Kano, Dr. Abdullahi Umar Ganduje, zai karbi rahoton kwamiti game da shirin muhawarar da ake shirin yi tsakanin Shiekh AbdulJabbar Nasiru Kabara da malaman na Kano a yau Litinin, 22 ga Fabrairu, 2021.
Kwamishinan harkokin addini na Jihar Kano, Dr. Muhammad Tahir Adamu, ya ce, jama’a ba su fahimci sanarwar makonni biyu da Gwamnatin Jihar Kano ta bayar a baya ba, “Sanarwar makonni biyun da Gwamnatin ta bayar ita ce kwamitin ya yi aiki a kan shirin tare da gabatarwa ga Gwamna.”
An lura cewa sanarwar da aka fitar a makon da ya gabata ba ta nuna cewa tattaunawar za ta yiwu a yau ba.
Ya kara da cewa, Gwamnan zai yi nazarin rahoton da kwamiti ya gabatar masa tare da sanya ranar tattaunawar.
Dr. Adamu ya ce Gwamnati ba za ta saurari wadannan malaman ba wadanda ke bayar da fatawar tattaunawar.
