Saura ‘yan kwanaki kadan ma su hidimar kasa rukunin ‘B’ su shiga sansanin horas da ma su hidima da za a gudanar a dukkanin fadin jihohin Najeriya.
Kan haka, muka ga dacewar rubuta jerin wasu abubuwan da sabon-shiga ke bukatar zuwa da su a sansanin.
Wannan rukunin farkon, su ne mafi bukatuwa da mutum ya kamata ya tabbatar ya dauka a tare da shi.
1. Katin shaidar makaranta (ID Card)
3. Takardar kira ta hukumar NYSC
4. Hotuna fasfo wanda ba a dade da dauka ba (passport photograps)
Daukar wadannan zai baka damar kammala rijistar rukunin farko a sansanin, wanda zai baka damar karbar kaya (uniform).
Baya ga wadannan, akwai kuma karin wadansu abubuwan da mutum zai iya bukata a yayin zaman sa a cikin sansanin.
1. Man goge hakora, buroshin wanke baki, sabulun wanka
2. Omo da sabulun wanki
3. Kayan al’ada (ga mata)
5. Tawul
6. Bokiti domin yin wanka da wanki
7. Karin gajeren wando da farar riga farare duka
8. Zanen kwanciya (Akwai katifa a can)
9. Turaren sakawa a jiki
10. Takalma silifas (domin zuwa ban daki da sauran su)
11. Mashaci, kayan gyara kai da jiki da sauran su
12. Gidan sauro
13. Kular saka abinci, kofi, chokali da makamaitansu
14. Kwaduna domin rufe jaka/akwati
15. Akwatin yin karin cajin waya
Duka wadannan abubuwan da aka lissafa, ba wai ba a samun su a sansanin ba ne, a’a, kusan akwai komai da mutum zai iya siya a can wanda ya ke bukata. To sai dai da mi, za ka samu abubuwan da tsada fiye da in ka siya tun a gida. Wani abu zai iya kusan nunka kudin sa, idan ma bai nunka ba a can. Saboda haka, siya a gida dabara ne.
Wani abu mai muhimmanci da ya kamata mutum ya tanada shi ne karin kayan da ake anfani da su, wato fararen gajerun kaya; wando fari da riga fara. Lalle sayensu na da muhimmanci domin mutum zai bukace su ko sun kai kala nawa.
A tsawon zama a sansanin, ana anfani da fararen gajerun kaya ne (idan banda ‘yan kwanaki kadan), saboda haka, sai ka kwatanta, kala nawa ka ke bukata a irin wannan yanayin ‘birkida jakin’ da za ku dinga yi a cikin kasa, ruwa ko rana. Iya yawan kayan ka, iya karancin yawan wanki da za ka yi. A gane kuma, akwai karancin lokaci, dan haka lokacin ba zai zama na wanki ba koyaushe.
Da fatar a je lafiya, a dawo lafiya, amin.
