Majalisar Zartarwa ta Jihar Adamawa ta amince da kashe Naira biliyan N8.1 don gina gada biyu a Shuwa da Hyambula, yankin ƙaramar hukumar Madagali.
An ba wa kamfanin Triacta Nigeria Limited kwangilar gina gada mai dogon zango 12 a Shuwa da za ta ci Naira biliyan N5.65, da gada mai zangon 4 a Hyambula da za ta ci Naira biliyan N2.53. A na sa ran kammala aikin cikin wata shida.
- Rundunar ‘Yansanda Ta Ɗaukaka Matsayin Jami’anta 12 A Adamawa
- ‘Yansanda Sun Kama Wata Mata Da Laifin Azabtar Da Yara Kanana A Adamawa
Haka zalika, an amince da Naira miliyan N431 don shigar da tsarin hasken wutar lantarki na hybrid solar 30 KVA a asibitoci guda shida don samar da wutar lantarki.
Gwamnatin ta kuma sanar da ƙarin Naira miliyan N500 don kammala asibitin Mayo Belwa Cottage, tare da shirin duba mutane miliyan 10 a Nijeriya don gano ciwon hawan jini da siga ƙarƙashin shirin “Project 10 Million”.
