Aguero Ya Ci Kwallo Uku Rigis Sau Shida A firimiya

Sergio Aguero ne ya ci kwallo uku rigis a karawar da Manchester City ta doke Watford da ci 6-0 a gasar firimya wasan mako na biyar da suka yi a ranar Asabar.

Bayan da Aguero ya ci kwallo uku a karawar sai Jesus da Otamendi da kuma Sterling wadanda kowanne ya ci daidai a fafatawar.

RelatedPosts

Aubameyang Ya Koma Arsenal Domin A Duba Lafiyarsa

January 21, 2022

Salima Mukansanga: Mace Ta Farko Da Ta Yi Alkalanci A Wasan Nahiyar Afirka

January 21, 2022

Wannan ne karo na shida da Aguero ya ci kwallo uku rigis a gasar firimiya, kuma Shearer ne ke kan gaba da 11 sai Fowler da tara da Owen da kuma Henry kowanne ya ci sau takwas-takwas.

Wannan ne karo na biyu da Manchester City ta ci kwallo biyar a jere, bayan da ta casa Libapool a wasan mako na hudu da ci 5-0

City za ta buga wasan gaba da West Brom kafin ta karbi bakuncin Crystal Palace.