Zanga-zangar kin jinin gwamnatin kasar Sudan na ci gaba da zarar domin ko a ranar Juma’a al’ummar kasar Sudan sun sake gudanar da zanga-zangar kin gwamnati a jihohin daban-daban na kasar ciki har da Khartoum babban birnin kasar
Kamfanin dillancin labaran Tasnim ya habarta cewa mahalarta zanga-zangar sun yi ta rera taken neman shugaba Omar Al-bashir ya sauka daga kan karagar milki, saidai jami’an tsaron kasar sun kai musu farmaki tare da tarwatsa su ta hanyar harba musu hayaki mai sanya hawaye.
Wannan zanga-zanga na zuwa ne a matsayin amsa kiran gamayar kungiyar kwadago ta kasar, wacce ta kumshi kungiyoyin ma’aikan kiyon lafiya, da injiniyoyi, da malimam makarantun kasar.
Tun a ranar 19 ga watan Dicembar 2018 din da ta gabata ce al’ummar kasar Sudan suka fara gudanar da zanga-zanga domin nuna adawa da mawuyacin halin da tattalin arzikin kasar ya shiga musaman yadda aka samu karin farashin man fetir da biredi, to saidai daga bisani zanga-zangar ta rikide zuwa ga kawo karshen gwamnatin Shugaba Al-Bashir.
Ya zuwa yanzu dai gwamnatin kasar Sudan ta sanar da mutuwar mutum 30 a yayin zang-zangar, to saidai kungiyar kare hakkin bil-adama ta kasa da kasa cikin wani rahoto na musaman da ta gabatar ta sanar da cewa adadin mutanan da suka rasa rayukansu ya haura zuwa 40.
A wasu jihohin kasar, gwamnatin Sudan ta sanya dokar ta baci, lamarin da ya sanya aka rufe wasu makarantu da jami’o’in kasar.
Sojojin Sun Yi Juyin Mulki A Kasar Guinea Konakry
Rahotanni daga kasar Guinea Konakry sun tabbatar da sojojin kasar...
