An Bukaci Gwamnatin Tarayya Ta Kara Himma Don Kammla Aikin Dam Ta Gobbiya  

Mazuna garin Gobbiya a karkashin inuwar kungiyar ciyar da ‘yan asalin yankin da ke a cikin karamar hukumar  Boggoro da ke a jihar Bauchi, sun yi kira ga Gwamnatin Tarayya da ta kammala aikin Dam na Gobbiya wanda aka fara shi tun a shekarar   2016.

Shugaban kungiyar ta ciyar da yankin gaba GDA  Mista Bulus D. Gobbiya ne ya yi wannan kiran ga Gwamnatin Tarayya a lokacin da sauran mukarabansa suka kaiwa Manajin Darakta  na hukumar kula da Koguna ta  UBRBDA   Abubakar Halilu Muazu da ke a Yola ziyara a ofishin sa dake a hukumar.

Har ila yau, Shugaban kungiyar ta ciyar da yankin taba GDA Mista Bulus D. Gobbiya, ya kuma jinjinawa dan kwangilar da ya fara aikin na Dam, inda  Mista Bulus D. Gobbiya ya yi nuni da cewa, a baya an yaudari al’ummar da ke a yankin na   Gobbiya kan cewar dan kwangilar an biya shi amma kuma ya ki biyan wasu mazauna yankin da aka yi amfani da wuraren don yin Dam din kudin su na diyya donn gudanar da aiki.

A cewar Shugaban kungiyar ta ciyar da yankin taba GDA  Mista Bulus D. Gobbiya, bayan da aka gudanar da dogon bincike kan maganar, an gano cewar, ba a bashi wasu kudade don biyan diyya ga mutanen da abin ya shafa ba.

Shugaban kungiyar ta ciyar da yankin taba GDA  Mista Bulus D. Gobbiya ya kuma bayyana jin dadinsa da kuma gidiya ga tsohon Shugaban Majalisar Wakilai Yakubu Dogara wanda  a cewar

Shugaba Mista Bulus D. Gobbiya Yakubu Dogara ne hummulhaba’isin asasa aikin na Dan.

Shugaban ya kuma yabawa   dan Majalisar Dokokin jihar Musa Wakili Makwada dake wakiltar mazabar Bogoro kan nuna damuwar sa kan aikin, musamman yadda ya dinga bin diddigi kan aikin na Dam.

Bugu da kari,  Wakilin kamfanin  HSR dake gudanar da kwangilar ta aikin Dam Malam Maiwada Bawa ya shedawa Manajin Darakta na hukumar ta UBRBDA cewar, kamfanin ya yi iya kokarinsa wajen gudanar da aikin, inds ya kara da cewa, aikin ya kai kashi 85 bisa dari, inda kuma aikinnna Dam, ya kai kashi  80 a cikin dari na samar da hanya dul da cewar, kaahi 40  bisa dari kacal, ka biya kamfanin na kudin aikin tun a karon farko.

Ya ce, “Aikin ya kai matakin da muka dakar dashi  saboda wasu ma’aikatar hukumar sun shirgawa mutane karya cewar har kudin biyan diyya an biya kamfanin don ya baiwa wadanda aikin ya shafi wuraren su.”

Ya kara da cewa,  “ A sabaoda barnar da akayi mana ce, hakan ya aanya muka dakar da aikkn gaba dayan sa, amma tunda a yanzu, alummar an fadakar dasu kan lamarin, zamu ci gaba da bayar da kudade don a ci gaba da gudanar da aikin na Dam.”

A cewar sa, akwai kyakyawar fahimta a tsakanin kamfanin da kuma alummar dake a yankin, inda ya kara da cewa, muna kuma jiran a fara biyan diyyar nan bada jimawa ba.

A nashi martanin, Manajin Darakta na hukumar   Abubakar Halilu Muazu, ya gidewa akummar kan yaddda suka nuna halin dattako da da’a kan maganar, inda ya sanar masu da cewa, chanjin da aka samu kan aikin  ne ya janyo samun jinkirin  na biyan diyyar ga wadanda abin ya shafa.

Exit mobile version