An harbe wasu jami’an ‘yansanda biyu har lahira a shingen bincike yayin da suke bakin aikinsu a kauyen Kuru da ke karamar hukumar Riyom a Jihar Filato.
Bayan da ‘yan bindigan suka kashe ‘yansandan sun kuma kwashi bindigoginsu sun gudu da su.
- ‘Yan Bindiga Sun Hallaka Lauya A Zamfara
- Da Dumi-Duminsa: NBC Ta Soke Lasisin Tashoshin AIT, Silverbird TV Da Wasu 50
Dan uwan daya daga cikin ‘yansandan da aka kashe mai suna, Abubakar Abdulkarim, ya shaida wa jaridar Daily Trust cewa, lamarin ya faru ne a shingen bincike na jami’an tsaro da ke kusa da makarantar sakandarin gwamnati da ke Kuru.
Ya kara da cewa an harbi dan uwansa Muktar Hassan har sau biyu kuma alburushi ya shiga cikin jikinsa.
Abdulkarim ya kara da cewa tunin aka birne marigayi Muktar Hassan, ya kara da cewa kafin kisan na Hassan shi din na aiki ne a karkashin sashin yaki da ‘yan ta’adda da ke karkashin shalkwatar ‘yansandan jihar.
