Daga Abdullahi Muhammad Sheka,
A ranar Litinin din nan ta 13 ga 5, 1442 Hijira, daidai da 28 ga Disamba, 2020, a ka kaddamar da musabaka ta Jihar Kano wanda taron ya gudana a karkashin Jagoranchin Mai girma Gwamna Dr Abdullahi Umar Ganduje Khadimul Islam wanda mataimakansa na musamman Kan Harkokin Islamiyya Ustaz Ibrahim Inuwa Yakasai da Shareef Ahmad Shuaibu mataimaki na musamman Kan makarantun Tsanagaya suka wakilta.
An dai gudanar da kaddamar da Musabakar Alkur’ani Ta Jihar Kano a makarantar SAS da ke karamar Hukumar Birni da kewaye da karfe 11:00 na safe.
A lokacin kaddamar da Musabakar an kaddamar da alkalai goma sha biyar a bangaren maza da alkalai biyar a bangaren mata.
Daliban da ake said ran zasu fafata a Musabakar daga cikinsu ake sa ran samun wadanda zasu wakilchi Jihar kano a Musabakar ta kasa da zata gudana a wannan jiha, wadda mai girma Gwamna Jihar Kano Dakta Abdullahi Umar Ganduje ya dauki nauyi.
A karshe wakilan na Gwamna suka yiwa daliban Kano fatan lashe Musabakar a karo na sha shida. Inji mataimakan na Gwamna Kan Harkokin tsangayu da Islamiyyu.
