Wasu ’yan asalin jihar Adamawa sun maka gwamna Umaru Fintiri a kotu kan batun kirkiro sabbin masarautu a jihar.
Idan ba a manta ba a watan Disamba ne Majalisar dokokin jihar ta zartar da wani kudiri kan batun sauya tsarin gudanar da masarautu a jihar.
- Gwamnatin Kano Ta Janye Ƙararrakin Da Aka Shigar A Kan Masu Zanga-Zangar #EndBadGovernance
- Da Ɗumi-ɗumi: Wata Tankar Mai Ta Sake Fashewa A Neja
Kudirin ya haifar da cece-ku-ce a jihar, inda wasu ke bayyana kudirin a matsayin yaki da masarautar Fulfulde, ikirarin da gwamnatin ta ce sam ba haka ba ne, kuma ta yi watsi da shi.
Da yake jawabi a taron manema labarai ranar Talata a Yola a madadin Masarautar Fufore, Alkasum Abba, ya ce kafa sabbin Masarautu abu ne wanda sam bai da ce ba kuma an aiwatar da tsarin ba bisa ka’ida ba.
Ya yi ikirarin cewa, sun yi iyakacin kokarinsu na neman tattaunawa da sulhu a kan lamarin da gwamnan jihar amma abin ya ci tura.
