Daga Abubakar Abba
Wadannan kungiyoyin asirin, sun yi kaurin suna wajen aikata nau’ukan asirai a duniya, kuma sakamakon ayyukan nasu na asiri har sun kai matsayin suna kawo rudu a duniya, musamman ganin abubuwan shu’umanci da suke aikata wa.
Babbar tambaya anan itace, shin da farko ma, me yasa ‘ya’yan irin wadannan kungiyoyin suka rungumi dabi’ar ta asiri?
Ire-iren wadannan kungiyoyin, tuni sun yi nisa wajen canzawa wasu mutane dabi’unsu. har da yin kutse a harkar gwamnati.
Wani karin dalilin shine,yadda ake rade-radin shine, rungumar hanyar ta asiri da wasu alumma suka yi, ya janyo gurbatar bauta ta asali, inda wasu alummar suke bautawa abu mai kyau da bautawa Shedan.
Wadan nan manyan dalilai guda biyu na wadannan kungiyoyin asirin, ya sanya dole al’ummar suke jurewa da irin wadannan dabi’u da duk wani nau’in asiri da suka cusa masu.
Koda yake, wasu daga cikin ayyuka da kungiyoyin suke aikatawa, na wasun su yafi ban tsoro.
Wannan sharhin zai a zayyana fitattun kungiyoyin asiri da suka yi fice a duniya wajen aikata asiri.
Kungiyar Gungu 36
Wadannan kuniyar ta asiri ba wanda aka saba dasu bane, domin kuwa sun fi kama ne da gaggan gungun ‘yan asiri, duka cewar su ma sun shiga cikin sahun sauran kungiyoyin asirin.
Kungiyar a kasar Malesiya take kuma itace tafi ban tsaro a cikin jerin kungiyoyin na asiri fitattu a duniya kuma yau a kasar, akwai dimbin ire-iren wadannan gungun na kungiyar asirin.
Ta samo asali ne ta hanyar hada kan matasa gu guda, inda ake amfani da matasan don tada yamutsi ko rikici a ckin alumma.
Kungiyar tana yin iya yinta, wajen bai wa ‘ya’yanta kariya, su na kuma zabar shugaban ta hanyar gudanar da zabe.
‘Ya’yan kungiyar sun hada da kabilar kasar Chana maza kuma mafi yawancin ‘ya’yanta, sun yi kaurin suna wajen aikata ta’addanci.
Ayyukan ta nata kara bazuwa a duniyada kuma ta shafe shekaru da dama tana aikata ta’addanci, inda sai kara faskara take sakamakon karkarfan ginshiki da jigojinta sukayi mata tun lokacin da suka kafata.
Yawancin ‘ya’yanta ‘yan gurguzu ne, kuma akwai ‘yan kabilar kasar Chana wadanda suke taka rawar zuba jari, inda ma su gwagwarmaya suka yi suka akan hakan.
Kudaden da suke zubawa akan kungiyar, don ‘ya’yanta su ci gaba da cin Karen su ba babbaka, su na samun kazamar riba akan aikata tasar da kungiyar ke gudanar wa.
Kungiyar Zinare Mai Zagaya
Wannan kungiyar mafi yawancin ‘ya’yanta, Bayi ne da aka haura dasu daga nahiyoyin Kasashen Afirka zuwa nahiyar Turai kuma sune na farko da aka fara kirkirowa a tsakiyar karni na 19. Sun dade da yin karfi, asalinsu suna zaune a Arewacin kasar Amurka tun lokacin yakin
cikin gida na kasar.
Dakta George W. L. Bickley ne ya fara bude mata reshe na farko a garin Cincinnati a cikin shekarar 1854.
A hankali ta koma zuwa Kudanci, inda aka amshe ta hannu bi-biyu. Tun da farko manufar ta shine, kafa rundunar da zata mamaye Arewacin kasar Meziko a bisa kudirin kara habaka kasuwanci Bayi, sai dai kuma sakamakon yakin cikin gidan, a kasar, ta maida hankalin ta wajen goya wa Kudu baya.
Sun kushe soke saida Bayi da kakkausar murya, a lokacin da suke cikin gudanar da sababbin fasali na kungiyar a shekarar 1860 sun zama masu bada umarnin kungiyar (Knights) ta Amurka, daga baya kuma canza zuwa ta bada umarni ta ‘ya’ya. Manufar su shine, don su tsaya da kafar su.
Mafi yawancin ‘ya’yanta, ma su bin ra’ayin gurguzu ne su na kuma tsatsauran ra’ayi. ‘Ya’yan sun yi barazanar yin tunzuri a Arewa Maso Kudu, da nufin kawo karshen yaki don samamun sakamakon da suke nema.
Kungiyar Umarnin Kokon kai da Kashi
Wanan kungiyar ta asiri, ita ce ta Kwaleji tilo a kasar wadda matasa ‘ya’yan ta, basu cika jin tsoron ta ba.
Cike take da kulle-kulle na munafurci wajen gudanar da ayyukan ta, an kuma dora laifi akan ta na cewar ta hanyar ta aka kashe Tsohon Shugaban Kasar Amurka John Kennedy, da kuma zargin kirkiro da Bam na kare dangi.
Saboda da karfi da kungiyar keda shi, ya jefa tsoro a cikin alumma, inda har ake rade-radin cewar itace ta rikide ta koma sananniyar kungiyar asiri dake fadin duniya.
‘Ya’yan kunhgiyar sun hada da zuri’ar Rockefeller da Tsohon Shugaban Kasar Amurka George W. Bush.
Wani dalibi a Yale mai suna William Russell ya kirkiro da ita a shekarar 1832 bayan da ya shafe shekara a kasar Jamani, inda ya yi kaurin suna a kungiyoyi dake nahiyar Turai da kuma kungiyoyin asiri.
‘Ya’yan kungiyar suna bautawa abin bautar su na karya ne, da suka sanya wa suna Eulogiya, su na kuma zabar Dattawa ko ‘yan siyasa da suka fito daga zuri’ar ma su hannu da shuni.
Tana daya daga cikin kungiyoyin asiri da keda karfi a duniya, wadda kuma tana ci gaba haifar da aikata ta’addanci a wasu sassan na duniya.
Burin ta a kullum shine ta mamaye duniya.Tana nunawa ‘ya’yanta dasu kirkiro da tsare-tsare don mallake duniya. Ana daukar sabon dan kungiyar ne, ta hanyar ya kwanta tsirar a cikin Akwatin daukar Gawa ya kuma bayyana halayen su dana jima’in da ya yi.
Ana kuma zargi kungiyar ce ta tone Akwatin Gawar gwarzon mayaki na yankin Apache mai suna Geronimo suka kuma sace kokon kansa da kasusuwan sa biyu suka kuma baje kolin su a shalkwatar su.
Kungiyar Firimason
Tana daya daga cikin tsofaffin kungiyoyin asiri a duniya. Misali na farko da ake gane kungiyar ta sabon ya yi, an kafa ta ne, a shekarar 1717 a kasar Ingila, shedar irin wanannan kungiyar itace ta Masonic da a har yau take bada mamaki akan ayyukan ta na gudanar da asiri.
Yaren da alamomi da ake amfani dasu wajen aikta asiri, sun yi kama da na tsawon karni na kusa-kusa, sannan kuma su na amfani da hanyar rubuce-rubucen da suka yi suka aje tun a tsakiyar karni na shekarar 1300.
Kungiyar tana bada mahimmanci akan ‘yancin mutane na inganta rayuwar su, sai dai kungiyar ta yi kakkausar suka akan imanin da mabiya addinin Kirista suka yi.
Saboda tsagwaron bada kai wajen bauta tare da hujjoji da dama, har ta sanya dimbin ‘ya’yanta ma su karfin gaske, kamar Mozart da kuma yawan shugabanin kasar Amurka a cikin ta ya jefa tsoro a zukatan mutane, inda ake ganin sun samo karfin ikon sune, saboda kasancewar su ‘ya’yan
kungiyar.
Kungiyar tana yin iya kokarin ta wajen bai wa ‘ya’yanta kariya har zuwa iya tsawon rayuwar su da kuma hukunta makiyan su.
