Gwamna Mohammed Bago na Jihar Neja ya miƙa saƙon taya murna ga Alhaji Jibrin Baba Ndace kan naɗa shi Darakta-Janar na gidan rediyon Muryar Nijeriya (VON) da Shugaban Ƙasa Bola Tinubu ya yi.
An bayanin hakan ne cikin wata sanarwa da Sakataren Yaɗa Labarai na gwamnan, Malam Bologi Ibrahim, ya fitar a ranar Juma’a a Minna.
- Xi Ya Aika Sakon Taya Murnar Cika Shekaru 110 Da Kafuwar Kungiyar Daliban Sin Dake Turai Da Amurka
- ‘Yan Bindiga Sun Kashe Dagaci Tare Da Sace Mutane Da Dama A Neja
Gwamnan ya bayyana naɗin a matsayin abin da ya dace, sannan ya ce Baba-Ndace ƙwararren ɗan jarida ne wanda ya yi tasiri a harkar yaɗa labarai.
Ya ƙara da cewa, ba ya da shakka ko kaɗan cewa sabon darakta-janar ɗin ya na da ƙwarewa da ƙarfin da zai haɓaka hukumar rediyon VON.
Yayin da ya ke bayyana shauƙin cewa, sabon shugaban na VON zai zama abin alfahari, musamman ga Jihar Neja da ma Nijeriya baki daya, Gwamnan ya yi alƙawarin mara masa baya shi domin ganin ya cimma nasara a aikin da aka ɗora masa.
