Gwamnatin Kaduna Ta Tabbatar Da Kashe Jagoran ‘Yan Ta’adda Boderi

Rundunar sojojin Nijeriya ta yi nasarar kashe dan ta’addar nan mai suna, Boderi Isyaku, a tsakanin yankin Bada/Riyawa a kananan hukumomin Chikun da Igabi na jihar Kaduna.

Wata sanarwa da Kwamishinan ma’aikatar tsaro da harkokin cikin gida, Samuel Aruwan, ya sanya wa hannu a ranar Alhamis, ta ce gwamnatin jihar Kaduna ta tabbatar da chafke kasurgumin mai laifin bayan da jami’an tsaro suka gudanar da wani samame.

• ‘Ƴan bindiga Sun Kashe Mutum 12 A Kaduna
• Samar Da Jami’ar Musulunci A Jihar Kaduna Alheri Ne – Bola Ige

“Boderi, kamar yadda kowa ya san shi da sunan, ya shafe kusan shekaru goma yana yo wa al’amuran tsaro barazana ta hanyoyi da dama a jihar Kaduna da Jihar Neja.

Ya shahara wajen kai munanan hare-hare da sace-sacen jama’a da kashe-kashen da ba a saba gani ba.