Duk da yawan noman waken soya da ake yi a jihar Kwara, Gwamnatin jihar ta bayyana cewa, ta gano gibin da take da shi a bangaren noman waken soya.
Kwaminshinan ma’aikatar aikin noma da raya karkara ta jihar Alhaji Muritala Olarewaju ne ya bayyana hakan a lokacin kadammar da shirin habaka aikin nomad a rage yin dogaro kan mai na (OSOP) da aka gudanar a garin Ilorin.
Alhaji Muritala Olarewaju ya ci gaba da cewa, gwamnatin jihar ta kan yin kokari wajen bunkasa noman waken soya a jihar, musamman domin cimma bukatar wadatar da jihar da waken soya da kuma kai shi kasuwanni.
Kwaminshinan ma’aikatar aikin noma da raya karkara ta jihar Alhaji Muritala Olarewaju ya kuma jaddada aniyar gwamnatin gwamnan jihar AbdulRahman AbdulRazak wajen ci gaba da tallafa wa manoman a jihar ta hanyar samar masu da igantaccen takin zamani da sauran kayan aikin noma.
Alhaji Muritala Olarewaju ya kuma yi kira ga masu ruwa da tsaki a fannin aikin noma a jihar, masu samar da abinci das u hada kai da gwamnatin jihar wajen kokarinta da take yin a bunkasa fannin aikin noma a jihar.
Kwaminshinan ma’aikatar aikin noma da raya karkara ta jihar Alhaji Muritala Olarewaju ya kuma yaba wa hukumar da luar da fitar da amfanin gona zuwa kasar waje (NEPC) kan rawar da ta ke taka wa wajen ganin an fitar da ingantaccen amfanin gona daga kasar nan zuwa kasashen waje.
Shi ma a sakonsa na Fatah alheri a taron, Darkta kuma babban jami’I a hukukar ta (NEPC), Mista Olusegun Awolowo, ya tunasar da mahalarta taron cewa, tun kafin a gano mai a shekarar 1957, fannin aikin noma shi ne ginshikin habaka tattalin arzikin kasar nan, inda ya yi nuni da cewa, fannin ya na samar da kashi 65 a cikin dari na tattalin arziki tare da kuma samar da ayyukan yi sama da kashi 85 a cikin dari na yawan alummar da ke kasar nan.
Awolowo, wanda ya sanar da hakan ta hanyar Mista Olu Ikulajolu ya yi nuni da cewa, bangaren noma na kasar ya fara rawa ne tun a shekarar that the 1970 bayan da aka gano mai, inda hakan ya sanya gwamnatocin das u ka gabata, su ka mayar da hankulansu kan man domin samun kudaden shiga masu ya wa.
Darkta kuma babban jami’I a hukukar ta (NEPC), Mista Olusegun Awolowo ya ci gaba da cewa, saboda raguwar da aka samu kan gudunmawar da fannin aikin noman kasar ke samar wa tattalin arzikin kasar, hakan ya sa hukumar ta (NEPC) ta samar da wani kundi a shekarar 2015 domin a rage dogaro kan mai.
Mista Olusegun Awolowo ya sanar da cewa, shirin ya taimaka waje samar da dabaru kan yadda za a kara samar da kudaden musaya na kasar waje ta hanyar rashin dogaro da fannin samar da mai.
A cewar Mista Olusegun Awolowo, kafin samar da kundin hukumar ta NEPC ta yi hadaka da kan shirin na Product (OSOP), inda ya yi nuni da cewa, manufar ita ce, domin sauran jihohin a kasar nan su ma su shiga a dama da su wajen bunkasa fitar da amfanin gona zuwa kasar waje.
Awolowo ya kara da cewa jihar Kwara tuni ta nuna sha’awarta na habaka noman waken soya kuma sauran masu ruwa da tsaki a fannin, suna bayar da gagarumar gudunmawa.
A jawabinsa na maraba tunda farko, mai bayar da shawara kan habaka kasuwancin fitar da amfanin gona zuwa kasar waje na hukumar ta NEPC da ke a garin Ilorin Mista Akinwumi Ajayi ya yi nuni da cewa, akwai bukatar a mayar da hankali kan fannin noma fiye da mai a kasar nan, inda ya kara da cewa, manufar ita ce, domin a kara habaka tattalin arzikin kasar nan.
