Gwamnatin Tarayya Na Amfani Da Litar Fitsarin Zomaye 30,000 Don Sarrafa Takin Zamani – NALDA

Nalda

Daga Abubakar Abba

Babban Sakatare a Hukumar Gwamnan Tarayya da ke kula da bunkksa kasar noma   (NALDA) , Prince Paul Ikonne ya bayyana cewa,  Hukumar ta samar da dama Da Lita  30,000 na fitsarin Zomo  da kashinsa kilogiram 1,000  domin sarrafa su zuwa takin zamani a kasar nan.

A hirarsa da manema labaru a  Abuja, Prince Paul ya ci gaba da cewa, fitsarin da kashin na Zamo,  za a yi gwaji a kansu a dakin yin gwaje-gwaje,  inda ya yi nuni da cewa,  tuni wasu masu kiwon Zomayen suka fara cin gajiyar hakan.

Har ila yau kuma Babban Sakatare a Hukumar ya bayyana cewa,  Hukumar ta    NALDA ta gano guraren kiwon Zomaye a daukacin fadin Nijeriya da aka yi watsi da su.

A cewar Babban Sakataren,   Hukumar ta gano hakan ne bayan umarnin da   Shugaba  Muhammadu Buhari ya bayar na a mayar da hankali wajen sarrafa takin zamani a cikin kasar nan.

“Mun gano hakan ne bayan umarnin da   Shugaba  Muhammadu Buhari ya bayar na a mayar da hankali wajen sarrafa takin zamani a cikin kasar nan.” In ji shi.

Babban Sakataren ya  ci gaba da cewa,  an gano hakan   a jihohi 21 irin su Abiya, Adamawa, Akwa Ibom, Borno, Delta, Ekiti da kuma  Kaduna.

Ikonne ya kara da cewa Hukumar ta NALDA tuni ta fara karbar abubuwan da take bukata na fitsarin bisa hadakar da wasu jihohin, inda kuma ya bayyana cewa, an kuma fara farfado da  wasu gonakai da aka yi watsi da su a yankin  Acharaugo  da ke a jihar  Imo da suka hada da, guraren yin kiwo  20 guraren   da ake sa ran kammala aikinsu a watan Agusta na shekarar   2021.

A jihar Ebonyi kuwa, Babban Sakatarey ya bayyana cewa,  Hukumar a yayin sake farfado da gonar kyankayasa da ke a yankin   Nkaliki tuni Hukumar ta samar da wani shiri  wanda za kafa a gundumomin shiyoyi  guda   109   da ke a fadin kasar nan.

“Hukumar a yayin sake farfado da gonar kyankayasa da ke a yankin   Nkaliki tuni Hukumar ta samar da wani shiri  wanda za kafa a gundumomin shiyoyi  guda   109   da ke a fadin kasar nan.”

A cewar Babban Sakataren  na Hukumar, tuni an fara gudanar da noman rani kan na Shinkafa a jihohin Adamawa, Neja, Yobe, Taraba da Bauchi, a matsayin na gwaji.

Exit mobile version