Har Yanzu A Na Buga Kwallo A Kasar Belarus

Duk da cewa an dakatar da dukkan wasannin kwallon kafa a nahiyar Turai da wasu sassan

duniya saboda annobar cutar coronabirus wadda ta addabi duniya a wannan lokacin amma ana

ci gaba da wasanni a kasar Belarus.

 

A baya can ba kasafai ake maganar gasar kwallon kafar Belarus ba, amma yanzu tana bakin

mutane ganin ita ce tilo a Turai da ke ci gaba da gudanar da harkokin kwallon kafa duk da cewa

duk wani wasa ya tsaya.

 

A ranar Asabar an buga manyan wasanni shida a kasar har da wasan hamayya tsakanin FC

Minsk da Dinamo Minsk, wanda mutum dubu uku (3,000) suka kalli karawar a babban birnin

kasar.

 

Kasa da mutum 100 ne suka kamu da coronabirus a kasar, wadda babu wanda ya mutu a kasar

mai mutum miliyan 9.5 sai dai har yanzu kungiyoyi da dama a duniya suna kira ga hukumar

kwallon kafa ta duniya data dakatar da wasanni a kasar.

 

Ya yin da kusan baki dayan Turai suka killace kansu da rufe iyakokinsu, shi kuwa shugaban

Belerus, Aledander Lukashenko bai damu ba, inda ya yi kira da yan kasa su sha barasa “Vodka”

don yakar coronabirus.

 

Sai dai shugaban hukumar kwallon kafar Belerus, Aleksandr Aleinik ya ce sun dauki matakan da

suka dace kan dakile yaduwar coronabirus shi ya sa suka ci gaba da wasannin kwallon kafa

kuma idan aka samu wani dan wasa daya kamu zasu dauki matakin daya dace.

 

Exit mobile version