Rundunar ‘yan sandan Jihar Nasarawa ta bayyana cewa, ta cafke Hassan Hassan, daya daga cikin mayakan Boko Haram da ya arce tare da sauran fursunonin da ke a gidan yarin Kuje da ke a birnin tarayyar Abuja.
In ba a manta ba, ‘yan kungiyar sun arce ne a ranar Talatar da ta wuce bayan da wasu mayakan kungiyar suka saki sama da fursunoni 800 ciki har da ‘ya’yan na Boko Haram da ISWAP.
- Kasar Sin Ta Yi Kira Da A Warware Sabanin Siyasa A Yammacin Afirka Da Sahel Ta Hanyar Shawarwari
- Babbar Sallah: Bana Raguna Sun Gagari Kundila
A cikin sanarwar da kakakin ‘yan sandan jihar, DSP Ramhan Nansel ya fitar a jihar ta ce, ‘yan sandan sun kama dan Boko Haram din da ya arce a yau Asabar.
Sanawar ta sanar da cewa, kwamishinan ‘yan sandan Nasarawa, Adesina Soyemi, ya bayar da umarnin a ajiye Hassan Hassan a wajen da ya dace, a yayain da kuma ake ci gaba da farautar sauran fursunonin da suka arce daga gidan gyara halin.
