Jami’ar Yusuf Maitama Za Ta Ba  ‘Yan-Kano Fifiko – Shugaban jami’a

Sabon shugaban jami’ar Maita­ma Sule, Farfesa Mukhtar Atiku Kurawa, ya bayyana kudurinsa na bai wa ‘yan asalin Jihar Kano fifiko wajen daukar dalibai, domin samun gurbin karatu mai inganci.

Shugaban, ya bayyana hakan ne, a lokacin da ya kai ziyarar ban girma ga Mai martaba Sarkin Kano, Alhaji Aminu Ado Bayero, a fadarsa da ke Kofar Kudu, cikin birnin Kano.
Shugaban, ya nemi ma­sarautar Kano da ta taimaka wajen yin kira ga Gwamnati don samun kammala wasu ayyuka, kamar dakunan kwa­nan dalibai, da sauransu.
A nasa jawabin, Mai mar­taba San-Kano, Alhaji Aminu Ado Bayero, ya bayyana kudurin masarautar kan tai­maka wa hanyar da za ta in­ganta ilimi, sannan ya yi kira ga Gwamnati da ta taimaka wajen kammala ayyukan da jami’ar ke bukata.