Ranar Litinin mai zuwa 28 ga Nuwambar 2022 Jirgin kasan Kaduna zuwa Abuja zai dawo Jigilar fasinjojinsa kamar yadda ya saba.
Fasinjojin Abuja zuwa Kaduna karfe 9:45 na safe da kuma 3:30 na rana sai kuma Jirgin Kaduna zuwa Abuja karfe 8:00 na safe da kuma karfe 2:00 na rana.
- Sati 3 Masu Zuwa Jirgin Kasan Abuja-Kaduna Zai Dawo Aikin Jigilar Fasinjojinsa
- Babu Ranar Dawo Da Zirga-zirgar Jirgin Kasan Kaduna Zuwa Abuja – Minista
Wannan na zuwa ne kimanin wata biyu bayan Gwamnatin Tarayya ta ce ragowar fasinjojin da ’yan ta’adda suka yi garkuwa da su a jirin kasan a ranar 5 ga Oktoba, 2022.
Ministan sufuri ya bayyana cewa an tanadi matakan tsaro na tsawon awa 24 ga sufurin jirgin kasan, wanda wata bakwai ke nan da dakatar da shi.
A cewarsa, ma’aiakatar ta dauki darasi gada abin da ya faru a harin da aka aka kai wa jirgin kasan a baya, wanda ya yi sanadin dakatar da sufurin.
A ranar 28 ga Maris 2022 ne Gwmnatin Tarayya ta dakatar da sufurin jirgin kasan Abuja-Kaduna, bayan ’yan ta’adda sun kai masa harin bom suka kashe mutum 10 tare da sace wasu 60.
