Tawagar matasan yan wasan ƙwallon ƙafa ta Nijeriya ta mata (Flamingos) ta yi nasarar doke mai masaukin baƙi Bantwana ta Afrika ta Kudu da ci 3-1 a wasan farko na gasar cin kofin duniya na mata ‘yan kasa da shekaru 17 na shekarar 2025 a filin wasa na Lucas Moripe, Pretoria a ranar Asabar, in ji jaridar Prompt News.
Shakirat Moshood ce ta jefa wa Nijeriya ƙwallon farko a wasan cikin mintuna 20 kacal da farawa, Harmony Chidi ta ninka damar da Nijeriya ke da ita daga bugun fanareti mintuna biyar kafin a tafi hutun rabin lokaci.
- Cinikayyar ‘Yan Kwallon Da Aka Yi A Watan Janairu
- Hadin Gwiwar Sin Da Nijeriya Za Ta Ba Mata Damar Cimma Burikansu
Afrika ta Kudu ta dawo daga hutun rabin lokaci cikin azama da sa rai ta kuma rage giɓin dake tsakanin ƙasashen biyu bayan an dawo daga hutun rabin lokaci, kyaftin ɗin tawagar Afrika ta Kudu Success Malebana ne ta ci daga bugun fenariti.
Chidi kuma ta ƙara jefawa Nijeriya ƙwallo a ragar masu masauƙin baƙin a minti na 68, kungiyoyin biyu za su sake karawa ne a fafatawar da za a yi a filin wasa na Remo Stars, Ikenne mako mai zuwa ranar Asabar.
