Shugaban kungiyar hadinkan musulmai da kirista, Prophet Iwu Jideogu Ogbu, ya bayyana cewar, dan takarar shugaban kasa na jam’iyyar NNPP kuma tsohon gwamnan Jihar Kano, Sanata Rabiu Musa Kwankwaso zai iya lashe zaben shugaban kasa na 2023.
Da yake ganawa da ‘yan jarida a Legas, malamin kiristan ya bayyana cewar, Bai taba haduwa da Kwankwaso ba, amma Allah ya nusar da shi cewa Shugaban kasar Nijeriya a nan gaba shi ne Kwankwaso.
- Ni Zan Daidaita Duk Abinda APC Ta Lalata A Nijeriya—Kwankwaso
- Jam’iyyar LP Ta Obi Na Shirin Kulla Auren Siyasa Da NNPP Ta Kwankwaso —Dakta Tanko
Ya bayyana cewa Kwankwason na da maganin shawo kan matsalolin da suka yi wa Nijeriya katutu da suka hada da matsalar tsaro da garkuwa da matsalolin da suka dabaibaye tattalin arzikin kasa da sauransu.
“Kafin na fito na bayyana wannan, ban taba haduwa ko sanin waye Kwankwaso ba.” Cewarsa.
