RelatedPosts

Gwamnatin Jihar Zamfara Ta Tabbatar Da Kama  Wasu Sojoji Masu Hulda Da ‘Yan Ta’adda

April 18, 2021

Kansila Mai Mataimaka 18 Ya Sadaukar Da Albashinsa Na Farko

April 1, 2021

Daga Rabiu Ali Indabawa,

Masu gabatar da kara sun tabbatar da cewa labarin marigayi tsohon shahararre dan kwallon kafa, Diego Maradona, likitansa ya saci ko kwaikwayi sa hannunsa na bogi, don samun kwafin bayanan lafiyarsa. Kwararrun masanan rubutun hannu sun fallasa likitan, Leopoldo Lukue bayan an kira su don yin nazarin takaddun da aka kama yayin samamen da aka kai gidansa da ofis bayan da shahararren dan wasan kafar na Ajantina ya mutu.

Sun tabbatar da cewa ya kirkira sa hannun ne a wata bukata ta neman bayanan sirri daga wani asibiti a watan Satumba, ofishin mai gabatar da kara a Buenos Aires babban birnin Argentina. Isaya ita ce wasikar da aka sanya wa hannu zuwa asibitin daga tauraron yana neman ta “aika kwafin bayanan likita na zuwa Leopoldo Lukue”.

Wani ya hada da buƙata iri daya, amma ya ƙunshi sa hannu da yawa kuma na uku ya hada da sa hannu da aka fahimta cewa asalin Diego ne tare da wasu dake kewaye da shi. Lukue, mai shekaru 39, ya musanta ikirarin aikata ba daidai ba daga dangin Maradona, wadanda ke nuna cewa ba a kula da marigayi dan kwallon sosai yadda ya kamata ba kafin mutuwarsa.

A Nuwamban 2020, Mista Lukue ya ce: “Idan ina da alhakin komai game da Diego, to soyayyar ce gare shi, kula da shi, inganta rayuwarsa har zuwa karshenta, da kuma fadada ta.” Ya bayyana abin koyin Argentina din a matsayin mai hakuri wanda ya ki likitoci amma yana da dangantaka ta musamman da shi. Ya kuma kara da cewa: “Ban zargi kaina da komai ba. Yana da matukar rashin adalci abin da ke faruwa. ” Diego Maradona ya mutu a gidansa a watan Nuwamba yana da shekara 60 sakamakon bugun zuciya bayan an yi masa aiki a kwakwalwa.