Mohamed Salah ya taimaka wa Liverpool wajen samun tazarar maki takwas a saman teburin Firimiyar Ingila bayan ya ci kwallaye biyu a nasarar 3-2 da suka samu kan Southampton a yau Lahadi.
Liverpool ta yi nasara ne bayan Salah ya farke ƙwallon farko a minti na 65, sannan ya ci bugun fanareti a minti na 83 bayan hannun Yukinari Sugawara ya taba ƙwallo a cikin gida.
- Salah Ya Bukaci Shugabannin Kasashen Duniya Su Kai Wa Falasdinawa Dauki
- Salah Ba Zai Buga Karawa Tsakanin Liverpool Da Arsenal Ba
Dominik Szoboszlai ya fara ci wa Liverpool ƙwallo daga wani sakacin da Southampton ta yi, amma Southampton ta farke bayan Adam Armstrong ya ci bugun fanareti a minti na 42 sannan ya taimaka wa Mateus Fernandes da ya ci kwallo a minti na 56, kafin Salah ya sake ba Liverpool nasara.
Wannan nasara ta nuna ƙarfin Liverpool a kakar bana, yayin da Salah ya kai kwallaye 10 a gasar bana, yana biye da Erling Haaland na Manchester City, wanda ke da 12.
Dominik Szoboszlai ya ce Liverpool za ta ci gaba da mai da hankali kan gasar ba tare da duban matsayi na sauran ƙungiyoyinba.
