Shugaban Majalisar Dokokin Togo, Dama Dramani ya ce, gobe ne Majalisar za ta fara nazari kan bukatar sauya kundin tsarin mulkin kasar sakamakon zanga-zangar da aka samu don ganin an kawo karshen mulkin iyalan gidan shugaban kasar, Faure Gnassingbe.
‘Yar Majalisa Isabelle Ameganbi ta ce, tafka mahawara don amincewa da sanya wa’adin shugabancin kasar ta zama wajibi kamar yadda Majalisar Dinkin Duniya ta bada shawara.
‘Yan adawar kasar sun kwashe makwanni suna gudanar da zanga-zanga a karkashin babbar jam’iyyar adawa ta National Alliance For Change bayan sun shafe sama da shekaru 10 suna bukatar samar da sauyi a kasar.
Ko a wannan makon sai da kungiyar kasashen Yammacin Afrika ECOWAS ta bukaci bangarorin gwamnati da na ‘yan adawa da su hada kai wajen samar da sauyi a kasar.
