Matan Nijeriya Na Bukatar Karin Kulawa, Cewar Gwamna Yahaya Bello

Cin Zarafi

Daga Bello Hamza,

Gwamnan jihar Kogi, Yahaya Bello, ya bayyana cewa, matan Nijeriya sun cancanci karin kulawa ta yadda za su bayar da gudummawarsu a dukkan fannonin rayuwar al’umma.

Gwmnan ya yi wannna tsokacin ne a filin wasa na Moshood Abiola da ke Abuja a wajen wasan kwallo na musamman na mata don bikin ranar mata na duniya da ake cigaba da gudanarwa.

Ya ce, mata na fuskantar manyan matsaloli masu yawa a fadin duniyan nan.

“A yau matanmu na fuskantar gasar kwallon kafa don bikin ranar nata ta duniya, wannan abin a yaba ne.

“Ya kamata a yaba da kokarin da mata ke yi a dukkan bangarorin rayuwa, ba za mu yarda da kin ba mata kulawar da ya kamata ba musamman in sun samu nasara a an duk abin da suka sa a gaba.

“Bai kamata a manta basu ba, ina mai kira da a bayar da kulawa na musamman ga mata, musamman a bangaren albashi da sauransu.

“Wannan kuma ba wai ya tsaya a bangaren kwallon kafa kawai ba ne, ya kamata a sa ido a kan dukkan bangarorin wasanni gaba daya,” inji shi.

Gwamnan ya kuma ce, jihar sa tana ba mata kulawa na musamman a dukkan bangarorin rayuwa.

Exit mobile version