Lionel Messi da Erling Haaland da kuma dan wasan Super Eagles Victor Osimhen suna cikin jerin ‘yan wasa 13 da za’a zabi wanda zai lashe gwarzon dan wasan FIFA na shekarar 2023.
Dan wasan na Najeriya Osimhen ya zura kwallaye 31 a jimilce yayinda kungiyarsa ta Napoli ta lashe gasar Seria A kuma ta kai wasan daf da na kusa da na karshe a gasar cin kofin zakarun Turai UEFA Champions League a bara,
- FIFA Ta Fara Bincike Kan Sumbata Da Rubiales Ya Yi Wa ‘Yar Wasan Spain
- FIFA Ta Yi Barazanar Kin Haska Kofin Duniya Na Mata A Wasu Kasashen
Shi ne dan wasan Afirka daya tilo a cikin jerin sunayen ‘yan wasan da hukumar kwallon kafa ta duniya ta fitar a ranar Alhamis ta 2023.
Tawagar Manchester City FC ta 2022-23 ce ta mamaye jerin sunayen yayinda De Bruyne,Haaland da Rodri duka suke ciki.
Kylian Mbappé kuma yana cikin jerin sunayen tare da Marcelo Brozović, Rodrigo, Hernández Cascante, Khvicha Kvaratskhelia da Declan Rice na Arsenal.
