Daga Mahdi M. Muhammad,
Ministan yada labarai da al’adu, Alhaji Lai Mohammed, ya bayyana irin kokarin da Rundunar sojin saman Nijeriya(NAF) ke yi wajen ganin ta tabbatar da tsaro a kasar nan, a inda yake yaba wa kokarin da ba nuna gajiyawa da rundunar ke yi a karkashin jagorancin Shugaban hafsan Sojojin Sama (CAS), Air Marshal Sadikue Abubakar, don amfani da kafafen yada labaran wajen fadakar da ‘yan kasa da sauran masu ruwa da tsaki game da irin gagarumar gudummawar da NAF ke bayarwa ga tsaron cikin gida da kuma tsinkayen jiragen sama na ‘Air Power’ don tallafawa bukatun kasa Nijeriya.
Wannan sanarwar ta fito ne daga hannun Daraktan hulda da jama’a da yada labarai na rundunar, Air Vice Marshal Ibikunle Daramola, a inda yake cewa, har ila yau, Ministan ya yaba wa ‘NAF Inbestments Limited (NAFIL)’ da ‘Papel Image Tech’ don fahimta da kuma yin fim din ‘Eagle Wings’ tare da babban labarin da zai nuna gaskiyar abin da ke cikin NAF da kuma jajircewar cin nasarar tsaron Nijeriya da kuma ‘yan Najeriya.
Daramola ya kara da cewa, Ministan ya yi wannan yabo ne a ranar, 19 ga watan Junairu 2021, a kyakyawan kamfani na farko mai taken ‘Eagle Wings’, wanda ya gudana a ‘NAF Officers Mess and Suites’, Kado da ke Babban birnin tarayya Abuja.
Ya bayyana fim din a matsayin fim mafi kyawu da ya taba kallo. Ya ce, “Ingancin wannan fim din ya yi matukar burge ni, da kuma kwarewar yadda ‘yan wasan ke taka rawar su. Dole ne in fadi cewa, ‘Eagle Wings’ babu shakka ta sanya sabon mizani ga kungiyar yin fim ya ‘Nollywood’, kuma zai samar wa martabar NAF a kasar mu, tare da kara habaka darajar Nijeriya a duniya.”
Yayin da yake taya NAF da sauran masu ruwa da tsaki murnar wannan gagarumin ci gaba da kuma kasancewar su wani bangare na tarihi don ganin yadda aka gabatar da hoton fim din na farko a Yammacin Afirka gaba daya, musamman a Nijeriya, Ministan ya bayyana cewa, kyakkyawan kokarin da NAF ke yi na kafofin watsa labarai don inganta wayewar jama’a wajen samun yabo a cikin kasa, nahiyar Afirka da na duniya a cikin shekaru, musamman a cikin shekaru 2 da suka gabata. Ya ce, tare da fim din da sauran manyan nasarorin da aka samu, kokarin da aka yi na sake sanya hukumar a matsayin jagorar Sojin Sama a Nahiyar Afirka tuni ya fara bayar da sakamako mai kyau.
Alhaji Mohammed ya bukaci dukkan ‘yan Nijeriya da su ci gaba da nuna goyon baya ga abubuwan da ake bukata tare da amfani da duk wata kafar yada labarai da za ta taimaka wajen kawo hadin kai a kasar. Ya kuma yi kira ga ‘yan Nijeriya da su rungumi al’adar tallafa wa Sojojin kasar wajen yaki da miyagun laifuka a cikin kasar tare da nuna godiya da sadaukarwar da Sojojin ke yi. A cewarsa, “Don haka ina umartar mu baki daya da mu yi amfani da wannan fim din a matsayin wani makami na wayar da kan jama’a game da muhimmiyar rawar da Sojojin ke takawa a tsaron kasa da gina kasar”.
A cikin jawabinsa na budewa, Shugaban sojin sama, ya bayyana cewa, tunanin samar da fim din ‘Eagel Wing’ an yi la’akari da shi ne don wadatar da jama’ar Nijeriya, musamman da ma duniya baki daya, tare da sabon hangen nesa don kara fahimta sadaukarwar da ba za a iya misalta ta ba, hafsoshin sama maza da mata da danginsu, don samar da zaman lafiya da tsaro a kasar nan. Hoton fim din, shugaban ya ce, yana amfani da fina-finai na duniya don gabatar da labari mai ban sha’awa wanda ke dauke da muhimmiyar rawa da kokarin NAF a ci gaba dakile ayyukan tayar da kayar baya a Arewa maso gabas.
Air Marshal Abubakar kara da cewa, ya kasance burinsa ya ga hukumar ta samar da sabbin iyakoki wanda ba wai kawai zai sanya aikin a kan manyan nasarorin da aka samu ba ne, amma kuma zai sanya hanya ga wasu don yin koyi da kokarin da NAF ke yi na tabbatar da kasar.
Air Marshal Abubakar ya jaddada cewa, taron na farko ya ba da damar yin murnar daya daga cikin irin nasarorin da aka samu da nufin samar da karfin aiki na NAF, ta hanyar motsa jiki da sauransu, da kuma nasarorin da aka samu a yakin da ake yi da masu tayar da kayar baya. Fim din, in ji shi, ya nuna ingancin kokarin NAF fiye da bama-bamai da harsasai, don sa zukatan mutane da tunaninsu a yankunan da ake rikici.
Shugaban ya ci gaba da cewa, ya yaba da hadin gwiwar NAFIL da ‘Messrs Papel Image Tech’, da kuma kokarin da daraktan NAF na hulda da Jama’a da bayanai ke yi, da kuma Kwamitin Shawara na NAF don kawo labarin mai ban sha’awa zuwa babban allo. Don haka ya karfafa NAFIL da ‘Messrs Papel Image Tech’ don tabbatar da dorewar abin a yaba ta hanyar samar da karin fina-finai da ke nuna wasu bangarorin gudummawar NAF, da kuma hakikanin kokarin sojojin Nijeriya gaba daya, ga tsaron kasa. Wannan, in ji shi, zai taimaka matuka wajen ilmantar da jama’ar Nijeriya da wayar da kan al’ummomin duniya, tare da bayar da labaran nasarorin da sojojin na NAF ke samu, domin dakile gibi a cikin tarihi.
Shugaban ya nuna matukar farin cikinsa ga kokarin jami’an sojojin sama, maza da mata da ma’aikatan farar hula ga babban kwamandan askarawan kasa, Shugaba Muhammadu Buhari, bisa ga mara baya da goyon bayan yake yi baiwa hukumar. Ya kuma yabawa mambobin majalisar kasa, musamman majalisar dattijai da kwamitocin majalisar kan Sojin Sama, saboda jajircewar da suka nuna na samar da kayan aiki ga wadanda za su aiwatar da ayyukanta na tsarin mulki.
Tun da farko a jawabin marabarsa, Shugaban hukumar daraktocin NAFIL, Air Vice Marshal Clement Ogbeche, ya bayyana cewa, fim din ‘Eagle Wings’ yana ba da cikakkiyar shaida game da imanin da shugabancin NAF na yanzu ke da shi na ikon kare ‘yan kasa don samun babban matsayi idan an samar da yanayin habaka.
Da yake ci gaba da magana, ABM Ogbeche ya bayyana cewa, aikin ya kuma nuna kishi don gina karfin gida a tsakanin manyan fasahohin NAF. A cewarsa, NAF tana samarwa tare da karfafa irin karfin da ba a taba samu ba a bangarori kamar ‘Combat’ da ‘Combat Support Operations’, ‘Aeronautics’, ‘Surbeillance and Geospatial Technologies’, da sauransu.
Haskakawa ga taron shine gabatarwa, bayyanawa da kuma nuna ainihin hoton Motsi na “Eage Wings”, wanda Shugaban NAFIL, ABM Uchechi Nwagwu ya tsara, kuma aka gabatar da shi ta hanyar kyakkyawan dubawa daga duk wadanda suka halarci taron. Har ila yau, an gabatar da alamun tunawa ga babban bako, shugaban sojin, da kuma tsofaffin manyan hafsoshin tsaro da na sama, Air Chief Marshal Oluseyi Petinrin da ABM Femi John Femi (mai ritaya), wadanda ke da haruffa a fim din da aka sa musu suna.
Sauran manyan bakin da suka halarci bude fim din sun hada da, Ministan ayyuka na musamman, Sanata George Akume, wakilan Babban hafsan tsaro da manyan hafsoshi, Shugabannin reshe daga hedikwatar tsaro da hedikwatar NAF, Shugabannin Sojojin Sama, Shugabar kungiyar matan Jami’ai na Sojojin Saman Nijeriya, Hajiya Hafsat Abubakar, manyan masu ruwa da tsaki na masana’antar fina-finai gami da ‘yan wasa da masu daukar hoton fim din da kuma manyan jami’ai da suka yi ritaya, da sauransu.
