NDLEA Ta Kama Muggan Kwayoyi Mai Nauyin Kilogram 2412.39 A Jihar Oyo

Daga Bello Hamza

Hukumar NDLEA ta samu nasarar cafke kwaya mai nauyin kilogram 2412.39 a samamen da ta kai sassan jihar Oyo a zango na uku na shekarar 2020.

Shugabar hukumar, Josephine Obi, ta bgayyaa haka a cikin rahoton da jami’ar watsa labaran hukumar, Mutiat Okuwobi ta raba wa manema labarai a garin Ibadan ranar Asabar.

Advertisements

Ta kuma kara da cewa, kwayoyin da aka kama sun hada da tabar wiwi, da Tramadol, Diazepam, Rohypnol, Colorado, codeine da sauran muggan kwayoyi masu cutar da al’umma.

Ta kuma kara da cewa, a cikin zangon da ake magana, hukumar ta kama mutum 37 wadanda suka aikata lafukka daban daban da suka shafi mu’amala da kwayoyi.

“An samu nasara daure mutum 31, hukuncin da ya tashi daga wata shida zuwa shekara 10 a gidan yari.

“Hukumar ta kuma samu nasara tsugunar da mutum 49 wadanda suka kamu da shan kwaya a jihar.

Ta kuma ce, rundunar ta lalata wasu manyan gonakin taba wiwi a kauyen Ajani da ke karamar hukumar Ona-Ara.

Ta kuma shawarci al’umma su kasnce a ankare tare da kuma bayar da bayanai masu mahimmanci da za su kai ga kama masu safarra kwayoyi a jihar.

Exit mobile version