Daga Mahdi M. Muhammad
Rahoton karshe na Babban bankin Nijeriya (CBN) ya nuna cewa masana’antar banki ta kawo karshen shekarar 2020 a hade. Amma mambobin Kwamitin manufofin kudi na bankin koli (MPC), mafi girman rukunin manufofin ta sun nuna cewa masana’antar ta kasance mai juriya duk da wasu munanan tasirin cutar korona a cikin shekarar.
Rahoton ya nuna cewa, harkar hada-hadar harkokin banki ta inganta sosai tsakanin Watan Oktoba da Disamban 2020 daga kashi 35.6 zuwa 44.5 bisa dari.
Bayanai da aka samo sun nuna cewa samar da kudi ya ci gaba da fadada. Ci gaban harkar kudi, a cewar rahoton, ya nuna cewa mafi yawan hada-hadar kudi (M3) ya tashi zuwa kaso 10.97 tsakanin watan Satumba zuwa Oktoba 2020 daga kashi 3.2, sakamakon ci gaban da aka samu na dukiyar kasashen waje da kuma kadarorin cikin gida na tsarin banki. M3 ya wuce matsayinsa na 2020 da kashi 4.13.
Fadadawar, a cewar rahoton, ta kasance ne sakamakon hauhawar dukiyar kudin kasashen Waje (NFA) da kayan gida (NDA) na tsarin banki.
Wanda yake nuni da cigaba mai dorewa a harkar banki a kwanakin rufewa na shekarar 2020, duka bukatun da aka gabatar na ‘Facility Deposit Facility’ (SDF) daga Nuwamba 25, 2020 zuwa 31 ga Disamba, 2020, sun zarce ‘Standing Lending Facility (SLF)’. Wannan yana nufin cewa bankuna suna zubar da kudi fiye da kima akan CBN.
Kyauta ga kamfanoni masu zaman kansu sun habaka da kashi 15.35 a cikin Disamba 2020. Darajan cikin gida ya habaka da 13.4 a cikin Disamba 2020.
Habakar darajar kudi na kamfanoni masu zaman kansu sun tsaya a 13.34 a cikin Disamba 2020 idan aka kwatanta da 10.5 a cikin lokacin da ya gabata.
Rahoton ya kuma nuna cewa, jimlar darajar ta karu da Naira Tiriliyan 2.91 (16.56) tsakanin karshen Disamban 2019, da karshen Disamba 2020.
Bugu da kari, wadatar bayanan babban bankin ya nuna irin yadda Lamunin firayim suka ki tsakanin Oktoba 2020, da Janairu 2021.
Bugu da kari, bayanan sun nuna cewa kimanin kashi 62.7 cikin dari na Naira Tiriliyan 8.421 da tsarin banki ya ranta zuwa Disambar shekarar 2020 an bayar da bashin kasa da kashi 10 cikin 100 na kudin ruwa a shekara. Ya zuwa Disambar 2020, kashi 92.32 na adadin da bankin ya ranta bai kai kaso 20 cikin 100 ba na kudin ruwa, bayanan sun nuna daidai.
Jimlar bashin ya karu zuwa Naira Tiriliyan 20.48 a watan Disambar 2020, karin daga Naita Tiriliyan 19.72, a watan Nuwamba 2020 da kuma daga Naira Tiriliyan 17.57 a daidai lokacin na 2019.
Rahoton ma’aikatan ya nuna matsakaiciyar masana’antar ‘Capital Adekuacy’ (CAR), wanda ta ki zuwa kashi 15.1 bisa dari a cikin watan Disamba daga kashi 15.5 a cikin Oktoba yayin da matsakaicin lamunin na ba da rance (NPL), ya tashi zuwa 6.0 bisa dari daga kashi 5.7.
Wadannan sigogi guda biyu suna nuna masana’antar banki sun fuskanci wasu matsaloli wajen dawo da lamunin su, kuma basu iya daga jarin su don rufe asara ba.
Ra’ayoyin Shugabannin MPC:
Amma dangane da wadannan, CBN ya fitar da ra’ayoyin kansu na mambobin MPC dinsu wanda ke nuna cewa har yanzu lamarin na karkashin iko.
A cewar Festus Adekanju, wani mamba na (MPC), ‘Daga gabatarwar da ma’aikatan Bankin suka yi, masu nuna alamuni kan kudi (FSI) sun kasance masu karfi, duk da cewa akwai ‘yar tabarbarewa a cikin ‘CAR’ da kuma NPL.
Da yake ba da karin haske game da rahoton, ya bayyana cewa, ‘’kadarorin banki, darajoji da asusun ajiya na ci gaba da kasancewa masu karfi da ci gaban da aka samu tun bayan taron MPC na karshen shakarar da ta gabata. Dukkanin dawowa kan daidaito da dawowa kan kadara sun karu daga matakan su kamar a taron Nuwambar, 2020,. Gwaje-gwajen danniya daban-daban sun tabbatar da cewa tsarin kudi na da karfi sosai.””
