Rundunar sojan sama ta Nijeriya (NAF) tana ci gaba da kokarin samar da kudaden aiki na jiragen ta da kuma kayan aikin da ke hade da su, tare da kiyaye canjin kudaden kasashen waje ta hanyar kara karfin kiyayewa a cikin kasa, don ba ta damar gudanar da aikin samar da jiragen sama masu inganci ta hanyar mayar da martani ga batun tsaron kasa na Nijeriya.
Mai magana da yawun rundunar sojin saman, Air Commodore Ibikunle Daramola ne ya bayyana haka a cikin wata sanarwa da ya sanya wan hannu, aka raba wa manema labarai a Abuja cikin makon nan.
Daramola da y ace dangane da wannan hangen nesa, rundunar ta NAF ta sami nasarar sake tada rukunnai 12 na kayan aikin gyara jiragen sama na ‘Aerospace Ground Ekuipment (AGE)’.
Jiragen da aka gyara su sun hada da, Jirgin Jaguar na ‘Grid Power Unit (GPUs)’ guda shida, motar hawa ta Eagle guda daya, wacce za a rinka zuwa hidikwatar sojan sama na Maiduguri, ‘GPU’ daya na ‘Special Operations Group (115 SOG)’ a Fatakwal,’ da kuma wani GPU na ‘Special Mobility Group (305 SMG),’ Kalaba.
Sauran sun hada da, Tanley guda 15 na Henley mai nauyi, daya mai nauyin Tan 3.6 UNIMOG da kuma jirgin Jaguar. Kayan aikin da tawagar injiniyoyi 131 (131 Engr Gp) Makurdi suka sake kunnawa a cikin gida, ta hanyar kokarin bincike da ci gaba (R&D), an ba su izini a ranar, 23 ga Satumbar 2020, daga Babban Hafsan Sojan Sama (CAS), Air Marshal Sadikue Abubakar.
Yayin da yake Makurdi, Shugaban sojin sama ya kuma kaddamar da sabon lita miliyan daya na shigar Fitila (BFI), wanda aka inganta shi tare da karin abubuwan aiki da aminci, gami da na’urar yayyafa ta atomatik don ingantaccen tsari daga wuta.
Hakanan kuma Shugaban ya gabatar da motocin Tender da Runway Sweeper guda 101 wanda Air Defense Group (101 ADG) ta gyara kuma ta sake bincikawa don gudanar da aikin R&D. Abubuwan sun hada da na’urar harba roket guda daya da kuma bututun roket mai baki 6, wanda tawagar injiniyoyi 131 da tawagar Central Armament Depot (633 CAD) Makurdi suka kaddamar da sabon ginin rukunin kula da tashar jirgin sama na (RSU), a filin jirgin saman Makurdi.
Da yake jawabi yayin gabatarwa da nuna aikin kayan da aka sake kunnawar, Shugaban a cikin farin ciki, ya bayyana cewa yana matukar farin ciki da abin da aka samu ta hanyar tawagar injiniyoyi 131. Ya ce, ya kasance akoyaushe yana yarda da cewa, tare da kokari yawancin abubuwan da aka watsar ganin baza su gyaru ba, za a iya gyara su su yi amfani don dawo tattalin arziki.
A cewarsa, “a wannan lokacin na karancin albarkatu da karuwar gasa kan wadancan karancin albarkatun, mafi kyawun abin da za mu iya samu shi ne abin da muka yi ayau”.
Ya nuna farin cikin sa na cewa za a tura wasu daga cikin kayan aikin zuwa yankin Arewa maso gabas da sauran wuraren rikici don tallafawa gudanar da ayyukan tsaro na sama. Ya kuma kara da cewa, sake farfado da kayan aikin ya ceci NAF, da ma kasar baki daya, domin kudaden kasashen waje masu tarin yawa, wanda a bisa al’ada za a bukaci samunsu don siyan irin wadannan kayan daga kasashen waje.
Ya ci gaba da cewa, NAF za ta ci gaba da amfani da R&D da kuma sabbin fasahohi don bunkasa ayyukanta, yayin ci gaba da neman hadin gwiwa. Don haka Air Marshal Abubakar ya yaba wa Kwamandan tawagar injiniyoyi 131, Air Commodore Pam Chollom, da dukkan ma’aikatan sashin kan aiki tukuru da sadaukar da suka yi ga aikin.
Yayin da yake karfafa gwiwa ga sauran bangarorin da su dauki layi daga tawagar injiniyoyi 131, Shugaban ya yaba wa Kwamandan Sojan Sama da ke Kula da bangaren ‘Tactical Air Command (AOC TAC)’, Air bice Marshal Olusegun Philip, saboda shugabancin da ya yi na tabbatar da cimma nasarori daban-daban.
A jawabinsa na maraba, AOC TAC ya bayyana cewa, taron ya kasance wani muhimmin biki ne kuma ya bayyana kyawawan halaye na jagorancin shugaban sojin sama, wanda shine babban dalilin samun nasarorin da rundunar ta kustanta.
Sake dawo da kayan aikin, in ji shi, zai kara NAF kokarin kulawa ba wai kawai a Makurdi ba har ma da sauran sassan NAF a duk fadin kasar, kamar yadda kayan aikin za su zo ne da sauki don gudanar da ayyukan gyara a jirgin sama F/FT-7Ni, kuma nan bada jimawa ba za a shigo da jirgin JF-17 Thunder.
AOC din ya yaba da irin goyon bayan da Shugaban ke baiwa bangarori a karkashin TAC sannan kuma ya yabawa Kwamandan injiniyoyi 131 da mukarraban sa kan kwazon da suka nuna da kuma sadaukar da kai ga aiki, tare da basu kwarin gwiwa da kada su huta akan aikin su.
Tun da farko, Shugaban ya gabatar da lakca ga mahalarta darasi 6 na kwalejin yakin sojin sama (AFWC) da ke Makurdi, a matsayin wani bangare na shugabancin makarantar.
A cikin lakcar, mai taken “Matsalolin Aiki na Sojan Sama na Nijeriya da kuma makomar gaba”, Air Marshal Abubakar ya bayyana nasarorin da NAF ta samu a cikin shekaru 5 da suka gabata a fannonin fadada tsarin kungiyarta, bunkasa karfin dan Adam, sayen jiragen sama da kuma kula da su, kazalika da ingantaccen kayan aiki da R&D.
Har ila yau, Shugaban ya ba da haske game da wasu kalubalen aiki da aka fuskanta yayin yayin aikin ya yadda aka shawo kan su da abubuwan da ke gaba.
An kafa AFWC a cikin shekarar 2016 don habaka karfin manyan hafsoshi na darajar ‘Wing commander’ kuma yayi daidai da aiki mai kyau na ingantaccen amfani da ‘Air Power’ a yayin shirya su don manyan matakai.
