Rundunar ’Yan Sanda Ta Nemi Hadin Kan Wakilan Kafafen Jarida A Kebbi

Daga Umar Faruk,

Rundunar ’yan sandan Jihar Kebbi a jiya ta nemi hadin kai tsakaninta da wakilan kafafen jarida a jihar ta Kebbi.

RelatedPosts

Gwamnatin Jihar Zamfara Ta Tabbatar Da Kama  Wasu Sojoji Masu Hulda Da ‘Yan Ta’adda

April 18, 2021

Kansila Mai Mataimaka 18 Ya Sadaukar Da Albashinsa Na Farko

April 1, 2021

Bukatar hakan ta fito ne daga bakin sabon Kwamishinan yan sanda CP Adeleke Adeyinka Bode da aka turo a jihar yayin wata zayara da ya kai a ofishin wakilan kafafen yada labaru da ke a jihar ta Kebbi a jiya a Birnin-Kebbi. Inda ya bayyana cewa” a matsayina na sabon Kwamishinan yan sanda da aka turo a jihar ta Kebbi naga yazama wajibi gare ni na kai ziyara ga masu ruwa da tsaki a duk fadin jihar ta Kebbi wanda Yan jaridu na daya daga cikin masu ruwa da tsaki a jihar domin suna ilmanta da jama’a abin da ke faruwa a cikin jihar da kuma kasa baki daya.

Saboda hakan ne nake neman hadin kan yan jaridu a duk fadin jihar ta Kebbi domin rundunar yan sanda tayi aiki kafada da kafada domin kadakar da al’ummar musamman ga irin rashin tsaro da ake fama dashi a wasu jahohin kasar nan da kuma bayyana wa al’ummar illolin aikata laifufuka a cikin yankunansu da kuma kananan hukumomi har zuwa matakin jihar da kasa bakin daya, inji CP Adeleke Adeyinka Bode yayin da yake jawabi ga wakilan kafafen yada labaru a ofishinsu da Birnin-Kebbi a jiya”.

Ya ci gaba da cewa sanin muhimmancin kafafen yada labaru shi ne yasa na kawo ziyara don na nuna jinda dina ga irin goyon baya da kuke baiwa rundunar yan sanda a jihar kebbi ta hanyar ilmanta da al’ummar kan halin da ake ciki da kuma abinda rundunar yan sanda ke son al’ummar su keyaye dashi domin kaucewa ga aikita laifufuka da zasu kawo rashin tsaro a jihar ko a kasa, bisa ga hakan ne na ke kara neman wannan irin goyon bayan a yayin zamana Kwamishinan yan sanda a jihar kebbi don mu kara samun nasarar gudanar da ayyukan dakile matsalolin tsaro a jihar Kebbi da kasa bakin daya.

Ya kuma bukaci al’ummar jihar Kebbi da su cigaba da taimakawa rundunar yan sanda wurin bada bayanan sirri ga rundunar kan duk wani laifufuka da ake aikatawa lungu da sako na fadin jihar ta Kebbi.

Daga karshe Kwamishinan Adeleke Adeyinka Bode ya godewa wakilan kafafen yada labaru da ke Birnin-Kebbi kan bashi tabbacin hadin kai tsakaninsu da rundunar ta yan sanda a jihar kebbi.