Kasar Sin ta cimma nasarar aikin gwajin tserewa lokacin da ake gamu da matsala a matakin farko na harbar kumbo mai dauke da mutane na “Mengzhou” a yau Talata, a cibiyar harbar taurori dan Adam dake birnin Jiuqiu, abin da ya alamanta cewa, Sin ta cimma sabuwar nasara a aikin binciken duniyar wata tare da kumbo mai daukar mutane.
Wannan ita ce nasara irinta ta biyu da Sin ta samu a wannan bangare, bayan shekaru 27 da suka gabata, da samun nasara ta farko a aikin gwajin da ta gudanar a shekarar 1998.
Aikin gwajin tserewar da aka gudanar ya kasance muhimmin mataki na ba da tabbaci ga rayukan ’yan saman jannati, wato idan an gamu da hadari ko matsala ba zato ba tsammani, za a iya samar da jagoranci ga sashen kumbo mai dawowa ya bar wuri ma hadari, tare da dawo da ’yan saman jannati doron duniyarmu lami lafiya.
Kumbo mai daukar mutane na “Mengzhou”, sabuwar na’ura ce da Sin ta kera bisa dogaro da karfin kashin kanta, da zummar gudanar da nazarin sararin samaniya a nan gaba lami lafiya, wanda ke iya tashi zuwa sararin samaniya da dawowa doron kasa, wannan kumbo mai iya daukar mutane 7 na kunshe da fasaha ta sahun gaba a duniya. (Amina Xu)
