Sojoji Sun Sake Kwato Garin Marte A Borno

Daga Sulaiman Ibrahim

Sojojin Nijeriya a yammacin yau, da misalin karfe 3 na yamma, sun kwato garin Marte da sauran al’ummomin da ke kusa da garin daga ‘yan ta’addan Boko Haram.

RelatedPosts

Ranar Talata Za’a Bude layukan Sadarwa A Zamfara –Gwamna

November 28, 2021

NIS Ta Horas Da Masu Magana Da Yawunta Kan Yakar Bakin Haure

November 27, 2021

Wannan na zuwa ne kasa da umarnin awanni 48 da shugaban rundunar sojin kasa, Manjo Janar Ibrahim Attahiru ya baiwa sojojin tun farko.

Sojojin sun samu karin karfin gwiwa daga rundunar sojojin sama na kasa, inda suka samu nasarar afkawa cikin garin Marte, bayan samun nasarar lalata bama-bamai(IEDs) da nakiyoyi da aka binne a kan hanyoyin su, rundunar ta kara samun nasarar kashe ‘yan ta’addan Boko Haram / ISWAP da dama kuma sun samu nasarar kwato garin.

A halin yanzu sojojin Nijeriya suna da cikakken iko da yankin baki daya.