RelatedPosts

Gwamnatin Jihar Zamfara Ta Tabbatar Da Kama  Wasu Sojoji Masu Hulda Da ‘Yan Ta’adda

April 18, 2021

Kansila Mai Mataimaka 18 Ya Sadaukar Da Albashinsa Na Farko

April 1, 2021

Daga Umar A Hunkuyi,

Kisan da aka yi wa shugaban Jam’iyyar APC a Jihar Nasarawa, Mista Phillip Shekwo, na rashin imani ne, babban jagoran jam’iyyar na kasa, Bola Ahmad Tinubu ne ya kwatanta hakan a ranar Talata.

Tinubu ya yi wa Gwamna Abdullahi Sule da kuma jam’iyyar APC a Jihar ta Nasarawa ta’aziyya a kan kisan shugaban.

An dai sace Shekwo ne daga gidansa wanda daga bisani aka tsinto gawarsa a cikin wani daji a ranar 22 ga watan Nuwamba.

A cikin wata wasikar da ya aike wa Gwamnan, Tinubu yana cewa: “Tare da wannan wasikar ne nake aiko maka da sakon ta’aziyyata a bisa kisan shugaban jam’iyyar APC a Jihar Nasarawa,  Mista Phillip Shekwo.

“Kisan da aka yi wa Shekwo na rashin imani ne, wanda sam bai cancanta a ce ya mutu ta wannan hanyar ba. Kai sam ma babu wani day a kamata a ce ya mutu ta irin wannan mummunar hanyar.

“Ina mai yi maka ta’aziyya, da gwamnatin Jihar Nasarawa. Ina mai fatan ganin jami’an tsaro sun kai ga zakulo gaskiyan lamarin da zai kai ga kama wadanda suka aikata wannan mummunan laifin.

“Hakanan ina mai mika tra’aziyyata ga iyalan mamacin da kuma tsohon Gwamnan Jihar ta Nasarawa, Alhaji Tanko Al-Makura, wanda ya gabata a kwanan nan gami da daukacin magoya bayan jam’iyyar ta APC a Jihar ta Nasarawa.

“Ina fatan Allah ya ba su hakurin jure wa rashin musamman, ina rokon Allah ya bai wa matarsa da ‘ya’yansa hakurin jure wa wannan rashin.