Peng Liyuan, Uwargidan shugaban kasar Sin Xi Jinping, ta halarci wani taron musamman kan ilimin mata da ‘yan mata da hukumar bunkasa ilimi kimiyya da raya al’adu ta MDD UNESCO ta shirya a hedkwatar hukumar a Talata da safe, ranar 26 ga watan nan na Maris.
Yayin taron da aka yi ranar Larabar da ta gabata, wasu daga cikin wadanda suka samu lambar yabo ta UNESCO, saboda gudumawar da suka bayar ga ci gaban ilimin mata, sun gabatar da takaitattun jawabai game da fahimtarsu da kuma inganta ilimin mata.
Peng Liyuan, wadda wakiliya ce ta musamman ta UNESCO kan karfafa ilimin mata, ta yaba da kokarin da UNESCO da wadanda aka karrama suka yi, tare da bayyana musu nasarorin da kasar Sin ta cimma a wannan fanni.
