WASSCE: Ka Bada Umarnin Bude Makarantu, Inji ‘Yan Majalisa Ga Buhari

Majalisar wakilai ta yi kira ga Shugaban kasa, Muhammadu Buhari (retd.), Da ya ba da umarnin a sake bude wani bangare na makarantu don ba dalibai damar su zauna a Makaranta don rubuta jarrabawar WAEC ta shekara 2020.

Majalisar ta yi wannan kiran ne a zaman da ta gabatar ranar Talata bayan amincewar da wani dan majalisa, Nnolim Nnaji ya yi.

RelatedPosts

Ranar Talata Za’a Bude layukan Sadarwa A Zamfara –Gwamna

November 28, 2021

NIS Ta Horas Da Masu Magana Da Yawunta Kan Yakar Bakin Haure

November 27, 2021

Kwamitin ilimi da aiyuka ya bayyana a ranar juma’ar da ta gabata inda ta yi fatali da shawarar da Gwamnatin Tarayya ta yi na dakatar da shirin sake bude makarantu don daliban aji na karshe su zaina suyi arrabawar.

Kwamitin ya yi Allah-wadai da shawarar da ta hana daliban Najeriya zama don rubuta jarrabawar WASSCE da za a gudanar na shekarar 2019/2020.

Kwamitin Shugaban kasa kan Korona ya fada a watan Yuni cewa Gwamnatin Tarayya, a cikin abin da ta kira “sake bude makarantu a nutse”, ta amince da sake dawo da yara a makarantun gaba da sakandire, gami da Firamare 6, karamar sekandare 3 da Babbar Sekandare 3.