Connect with us

KASASHEN WAJE

Wasu Jiga-jigan Democrat Na Fuskantar Yiwuwar Rasa Kujerunsu

Published

on

Wasu jiga-jigan jamiyyar Democrats da dama na fuskantar yiwuwar rasa kujerunsu a majalisar dokokin tarayyar Amurka, bayan da aka kada kuria a zabukan fidda dan takara, da aka gudanar a jihohi hudu ranar Talata.

Wani tsohon shugaban kamaramar makarantar firamare mai suna Jamaal Bowman, wanda bai ma taba tsayawa takara ba, ya sha gaban dan majalisa kuma shugaban Kwamitin Harkokin Waje, Eliot Engel da kashi 61% na kuriun akasin 36% a zaben da aka yi na keke da keke.

To sai dai jamian zabe a birnin New York sun ce ayi hattara, saboda ganin cewa akwai wasu kuriun da aka kada ta akwatin gidan waya, wadanda ba za a iya kirga su ba sai zuwa makon gobe, don haka sanin sakamakon zaben da aka gudanar ranar Talata zai dan dau lokaci.

To sai dai Bowman ya bayyana kwarin gwiwar yiwuwar yin nasara a karshe, yayin magana da magoya bayansa da yammacin ranar Talatar, ya na mai cewa, Ina dokin zuwa majalisa don in tayar da hankali ga mutanen da ke wurin, wadanda su ka yi ta kare tsarin da ke hallaka yayanmu.




Advertisement

labarai

%d bloggers like this: