Connect with us

KASASHEN WAJE

‘Yan Jarida A Mozambikue Za Su Fara Biyan Kudin Rajista

Published

on

Daga yau Laraba, ‘yan jarida dake aiki a kasar Mozambikue za su fara biyan abin da ka iya zama kudin rajista mafi yawa a duniya.

Wannan kudin rajistar dai ya sha suka, ta yadda ma kungiyar rajin kare hakkin dan Adam ta Human Rights Watch ke kiran kudin da “abin da ya wuce hankali,” sannan ita kuma kungiyar kare hakkin dan Adam ta Amnesty International ke cewa hakan zai sa ‘yan jarida su kasa aikin bayar da labarai a Mozambikue.

Duk wani wakilin kafar labaran kasar waje da ke aiki a wannan kasa ta kudu maso gabashin Afirka, zai rika biyan dala $8,300 duk shekara, kuma duk wani sabon gidan rediyo na kasa zai biya $35,000 na rajistar kafa shi. ‘Yan aasar da ke wakiltar kafafen labaran ketara za su rika biyan dala $3,500 duk shekara a wannan kasar da adadin abin da ta ke samarwa bai wuce dala $1,200 a shekara daga kowani mutum guda ba.




Advertisement

labarai