Tsohon Shugaban Kasar Nijeriya Goodluck Jonathan ya ce, ‘yan Nijeriya na bukatar jam’iyyar adawa ta PDP da ta dawo ta cigaba da mulkin kasar nan a shekarar 2019.
Tsohon shugaban kasar ya bayyana hakan ne a jiya Litinin yayin tattaunawar da shugabannin jam’iyyar su ka yi a babbar sakatariyyar jam’iyyar “Wadata Plaza” da ke Abuja.
Jonathan, ya bukaci jigogin jam’iyyar da su dinke barakar da ke tsakaninsu don hada kan ‘yan jam’iyyar da samun fahimta juna a tsakanin ‘yan jam’iyyar.
ADVERTISEMENT
“Ina tabbatar mu ku da cewa, duk ‘yan jam’iyyar PDP da suka bar jam’iyyar sakamakon rikicin shugabanci za su dawo jam’iyyar” inji Jonathan.
