Connect with us

JAKAR MAGORI

’Yan Sandan Da Suka Kashe George Floyd Sun Gurfana A Kotu

Published

on

A ranar 29 ga Yuni aka gabatar korarrun ‘yan sandan nan guda hudu na Minneapolis da ake zargi da kisan bakar fatar nan George Floyd gaban kotu.

Tou Thao, J. Aledander Kueng, da Thomas Lane, wadanda ake zargi da taimakawa da kuma ba da gudummawa ga mutuwar Floyd, sun gurfana a gaban alkali Peter Cahill a ranar Litinin da yamma a cikin dakin shari’a a gidan kurkukun Hennepin County da ke cikin gari na Minneapolis. Tare da wasu lauyoyinsu masu kare su.

Amma game da Derek Chaubin, wanda ake tuhuma da kisan kai an tuhume shi ne bisa sashe na 2 na kisan kai na digiri na biyu a cikin lamarin, ya bayyana ta hanyar sanya hoton bidiyo daga gidan yarin da ake tsare da shi. Masu gabatar da kara sun bayyana cewa sun tattara kusan hujjoji 8,000, kuma suna ci gaba da tattara wasu bayanan, kamar yadda

Lauyan Thao, Robert Matthew Paule, ya ba da sanarwa a ranar Litinin: “Ban yi bayani a bainar jama’a ba ta kowane bangare … Na yi hakan ne saboda girmamawa ga Mr. Floyd da danginsa, zan ci gaba da yin hakan. Alkali a yau ya ba da umarni ga gaya wa masu kara, wadanda ni na, fada cewa kada mu yi bayani kan shaidun, abin da muke gani a matsayin ya cancanci karar, ko laifin mutum ko rashin laifi… domin haka ni ba zan tafi akan hakan ba. ”

Daga baya ya kara da cewa, “Ta’aziyyata ga Mista Floyd da danginsa, mutuwar wanda suke kauna wani abu ne abin bakin ciki matuka cikin yanayi mara kyau har ma da mafi kyawun yanayi.”

Alkalin gundumar Peter A. Cahill ya gargadi dukkan bangarorin da su daina magana game da karar a bainar jama’a, sannan kuma su bi umarnin ‘Gag Order’ ko kuma duban wani canji da zai yiwu a wurin da za a yi shari’ar idan aka ci gaba da gabatar da karar gaban kotu.

Cahill ya ce “Kotun ba za ta yi farin ciki da sauraren karar ba a bangarori uku ba: kafofin yada labarai, shaida da laifi ko wanda bai hannu a ciki,” in ji Cahill.

Ya nemi Mataimakin Antoni Janar Matthew Frank, da ya yi amfani da tasirinsa don kada jami’an gwamnati su yi shiru, yana mai gargadin cewa idan suka ci gaba da tattauna batun a bainar jama’a, tabbas zai “fitar da (fitina) daga gundumar Hennepin kuma suna bukatar su san hakan. “Alkali Cahill, ya kuma ce shi ma yana jiran abin da zai faru a kan ko za a gurfanar da wadanda ake kara a rabe ko a cikin shari’ar hadin gwiwa.

Watannin gaba da kotu da za su gabatar da tsoffin jami’an an sanya watan Satumba tare da ranar da za a fara shari’ar zuwa 8 ga Maris, 2021.

A cewar bayanan gidan yari, Chaubin, mai shekaru 44, da Thao, 34, suna tsare tun lokacin da aka kama su, yayin da aka saki Lane, 37, da Kueng, 26, bisa wani sharadi na ba da gaskiya.




Advertisement

labarai

%d bloggers like this: