Za A Dauki Nakasassu Sama Da Dubu Aikin Gwamnati A Kwara

RelatedPosts

Ranar Talata Za’a Bude layukan Sadarwa A Zamfara –Gwamna

November 28, 2021

NIS Ta Horas Da Masu Magana Da Yawunta Kan Yakar Bakin Haure

November 27, 2021

Nakasassu Dubu daya Da dari Shida ne za su amfana da shirin bai wa matasa ayyukan yi na watanni uku na gwamnatin tarayya a Jihar Kwara.
Shugaban kwamitin shirin a Jihar, Oluwasegun Oyewo, ne ya bayyana hakan a bayan da ya yi wata ganawa da hadaddiyar kungiyar shugabannin masu nakasa a Jihar, in da ya ce wannan adadin yana daidai ne da kashi 10 na mutanan da za su amfana su 16,000 a shirin cikin Jihar.
Ya kara da cewa, mutane 1,000 ne za a dauka daga kowace karamar hukuma cikin kananan hukumomin Jihar 16. Wadanda kuma za a dauka din tilas ne su kasance a tsakanin ‘yan shekaru 18 zuwa shekaru 50, sannan tilas ne kashi 20 daga cikinsu su kasance masu ilimi ne, hakanan kaso 30 a cikinsu lallai su kasance mata ne.
Oyewo ya ce ba lallai ne wadanda za a daukan su kasance ‘yan asalin karamar hukumar ba, amma tilas ne su kasance mazauna karamar hukumar ce. Ya kara da cewa, ba kuma lallai ne wadanda za a daukan su kasance sun iya wata sana’a ba.
A cewar sa, za a fara gudanar da shirin ne daga watan Oktoba zuwa watan Disamba, 2020, za kuma a rika bai wa wadanda suke a cikin shirin tallafin naira 20,000 a kowane wata.
Sarkin Ilori, Alhaji Ibrahim Sulu-Gambari, wanda Malam Salihu Balogun ya wakilce shi, ya yaba wa shugaban kasa Muhammadu Buhari, a kan samar da ayyukan yi ga matasa 774,000 a cikin shirin, wanda ya kwatanta da cewa abin a yaba ne.