Za Mu Fitar Da Dan Takarar Shugaban Kasa Na PDP Daga Arewa- Makarfi

RelatedPosts

Ganduje Ya Bai Wa Wadanda Ambaliyar Ruwa Ta Shafa Naira Miliyan 3

August 1, 2021

An Sake Ceto Wasu Daliban Kwalejin Yawuri Daga Hannun ‘Yan Bindiga

August 1, 2021

Shugaban kwamitin rikon kwarya na jama’iyyar PDP Sanata Ahmed Mohammed Makarfi yace, jam’iyyar ta shirya tsaf don fidda dan takarar shugabancin kasa daga yankin arewa kuma zamu tabbatar da munyi aiki da shawarar da kwamitin zartarwar jam’iyyar ya zartar.

A tattaunawar da akayi da Makarfi a gidansa da yake Kaduna, ya kara da, Jam’iyyar zata yi amfani da irin salon da ta yi amfani dashi a zaben fid da gwani na jam’iyyar, za’a bar kowa ya tsaya takara ciki har da wadanda basu amince da tsarin fitar da dan takara na jam’iyyar ba.

Kwamitin da mataimakin shugaban majalisar dattawa Ike Ekweremadu yake jagoranta, ya fitar da wannan shawara na tsai da dan takarar shugaban kasa daga yankin arewa, sai kuma shugaban jam’iyya daga kudu a shekarar da ta gabata a babban taron jam’iyyar da akayi a garin Fatakwal.

‘wannan shine matsayin jam’iyyar, duk, abinda ya shafi jam’iyyar toh mataki ne daga shugabancin jam’iyyar, ba’a bakin kowa zaka ji ba. Shiyasa nake jaddada matsayin mu, matsaya ce da aka cimma a taron Fatakwal a watan Mayun shekarar da ta gabata.’ Inji Sanata makarfi.