Majalisar dattawa ta kasa ta ta tafi hutun wata daya domin bai wa ‘yan majalisar damar yin yakin neman zabe a manyan zabubbukan Kasar da ke tafe.
Shugaban majalisar dattawa, Sanata Ahmad Lawan ne ya bayyana hakan a zaman majalisar na ranar Laraba.
Ya kara da cewa “Muna addu’ar Allah ya bai wa wadanda ke son sake dawowa majalisar dattawan nasara a zaben da ke tafe”.
Haka kuma shugaban majalisar dattawan ya yi kira ga hukumar zabe mai zaman kanta ta kasa INEC da jami’an tsaro da su tabbatar da cewa an gudanar da sahihin zabe da jama’a zasu aminta da shi domin gujewa tashin hankula.
