Wasu daga cikin shugabannin jam’iyyar PDP shida, sun sauya sheka a Jihar Adamawa.
Mutanen shida , da suka fito daga karamar hukumar Gombi, shugabanni ne a mazabar Tawa, a yankin karamar hukumar ta Gombi a jihar.
- Jam’iyyar LP Ta Kori Dan Takarar Gwamnanta Na Kano, Bashir I. Bashir Daga Jam’iyyar
- ‘Yansanda Sun Ceto Masu Yi Wa Kasa Hidima 15 Da Aka Sace A Anambra
Sun bayyana cewa “Mun yanke shawarar barin jam’iyyar PDP ne, saboda wasu mutane sun koma aiki da son rai maimakon bin tsari da ka’idar jam’iyya.
“Babban aikinsu a jam’iyya shi ne su samar da rashin hadin kai da tashin hankali” in ji mutanen.
Wadanda suka sauya shekar sun hada da Halima Abdu, mataimakiyar shugaba, Mathew Hamman, Jibrilla Mamudu, Usman Umaru, Sani Nasiru da Bello Tukur.
Tuni dai suka mika takardar ajiye aiki da barin jam’iyyar ga shugaban mazabar Tawa.
Wannan na zuwa kasa da mako biyu a gudanar da babban zaben 2023, sai dai mutanen ba su bayyana ko wace jam’iyya za su koma ba.
