Akalla mutane uku ne aka tabbatar sun bace yayin da aka kubutar da wasu a lokacin da wani jirgin Ruwa ya kife a kogin Benue da ke karamar hukumar Ibi ta jihar Taraba.
Hon. Bala Bako, shugaban kwamitin riko na karamar hukumar ne ya tabbatar da afkuwar lamarin a ranar Talata yayin wata tattaunawa ta wayar tarho.
A cewarsa, jirgin da ya kife na dauke da fasinjoji daga Ibi zuwa kasuwar Sarkin Kudu lokacin da lamarin ya faru.
“Al’amarin ya faru ne a lokacin da jirgin ya tashi daga gabar Kogin. Injin jirgin ya tsaya da aiki, ana kokarin sake kunna injin jirgin, sai ya ci karo da wani gini da ke gabar kogin, hakan tasa jirgin ya rarrabe.” Inji Hon. Bala Bako
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
