A Karon Farko Shugaban Kasar Amurka Joe Biden Zai Kai Ziyara Saudiyya Da Isra’ila

A karon farko a matsayinsa na Shugaban kasar Amurka, Joe Biden zai kai wata ziyara yankin Gabas ta Tsakiya.

BBC ta wallafa a shafinta cewa, ana sa ran shugaban zai kai ziyara ƙasashen Saudiyya da Isra’ila da kuma wasu yankunan Palestine.

• Sin: ‘Yan Siyasar Amurka Sun Kakaba Takunkumi Marasa Ma’ana Kan Hadin Gwiwar Tattalin Arziki Da Cinikayya Tsakanin Sin Da Amurka

Shugaban zai yi tafiyar ne a watan Yuli mai zuwa inda zai shafe kwana huɗu yana rangadi.

Mista Biden dai zai kafa tarihi a matsayinsa na Shugaban Amurka idan ya je Saudiyya daga Isra’ila – hanya ce ta jirgi da Saudiyya ba ta cika bari ana bi ba sakamakon rashin jituwa irin ta diflomasiyya tsakanin Isra’ila da Saudiyya.