Shugabar Matan NNPP Reshen Abuja Ta ‘Yanta Fursunoni 4

Shugabar Matan Jam’iyyar NNPP Reshen Babban Birnin Tarayya Abuja, kuma shugabar wayar da kan jama’a ta ofishin kamfen na jam’iyyar na kasa Hajiya Saudat Abdullahi, ta ‘yanta fursunoni hudu daga gidan gyaran hali na Kuje.

Hajiya Saudat wacce har ila yau ta kai tallafin abinci ga daurarrun gidan, ta bayyana cewa, ya kamata ta tuna da jama’ar da ke cikin gidan duba da cewa su ma mutane ne kamar kowa da suke bukatar ci da sha.

Hajiya Saudat ta biya kuɗaɗen tara na ɗaurarrun su 4 domin su shaki iskar ‘yanci.

Ta yi godiya ga hukumar gidan gyaran halin na Kuje bisa damar da ta ba ta domin gabatar da wannan muhimmin aiki.

• An Kona Motoci Da Jikkata Wasu Yayin Artabu Tsakanin Magoya Bayan NNPP Da APC A Tudun Wada

A cewar wasu daga cikin waxanda wakilinmu ya gana da su na gidan Gyaran Halin, babu wani ɗan siyasa da ya taba tunawa da su a wannan balle har ya yi tunanin kawo musu dauki sai ita.

Sun yi godiya gare ta bisa ga wannan namijin kokari.

Daga cikin wadanda suka raka shugaban matan na NNPP reshen Abuja akwai babban lauya, Barista Idris SAN, da Nasiru Isa Garun Malam, da Sanusi Kwankwasiyya da sakatariyarta Zulai.

• https://leadership.ng/nnpp-kwankwaso-will-take-nigeria-to-promised-land-alkali/