Ana ci gaba da zanga-zanga a wasu sassan birnin Fatakwal, babban birnin jihar Ribas da safiyar Juma’a, kan karancin kudin Naira.
An ga masu zanga-zangar suna kona tayoyi a wasu yankunan birnin.
- Sauyin Kudi: Buhari Ya Gana Da Tinubu
- Sauyin Kudi: Gwamnatin Neja Ta Maka Gwamnatin Tarayya A Kotu Kan Chanjin Kudi
Mafi yawan wadanda zanga-zangar ta shafa sun hada da titin Ikwerre da Diobu axis na babban birnin jihar, musamman Mile Three, Mile Two da Mile One da kuma titin Okija da yankin Kasuwar Kasuwar Ikoku.
Sai dai ga dukkan alamu tsagerun yankin sun yi garkuwa da wasu cikin masu zanga-zangar, inda suka yi awon gaba da jama’a da matafiya da masu ababen hawa da kayayyakinsu.
Wakilinmu ya rawaito cewa galibin masu ababen hawa sun bar motocinsu a kan tituna inda suka arce don gujewa fadawa tarkon.
Jami’an rundunar ‘yan sandan jihar Ribas na ofisoshin rundunar na Mile One da Mile Three an tura su zuwa muhimman wurare domin hana ci gaba da zanga-zangar.
