Zaben da aka yi a mazabar Kabba/Bunu/Ijumu na jihar Kogi a zaben shugaban kasa da na ‘yan majalisun tarayya na ranar Asabar 2023, hukumar zabe mai zaman kanta ta kasa INEC ta bayyana cewa, zaben bai kammala ba.
Jami’in mai kawo sakamakon zabe na jihar, Dokta Adams Baba ne ya bayyana hakan a cibiyar tattara bayanai da ke Kabba, hedikwatar shiyyar Sanatan Kogi ta Yamma a ranar Lahadi.
Baba ya ce, an bayyana hakan ne saboda banbancin rata da aka bayar da kuma adadin kuri’un da aka soke wadanda aka kada a rumfunan zabe biyu na mazabar tarayya.
